ក្រៅពីទស្សនាការប្រកួតផ្សាយផ្ទាល់នៅតាមកញ្ចកទូរទស្សន៍កងយោធពលខេមរភូមិន្ទ លើបណ្តាញសង្គមរបស់សារព័ត៌មានត្រយង, AMS Sport, CPL, LSH Journal រាប់លាននាក់ ក៏មានទស្សនិកជនជនអញ្ជើញទៅចូលរួមទស្សនាការប្រកួតផ្ទាល់តាមទីលាននានា ដែលក្លិបបាល់ទាត់ជាសមាជិកទាំង៨នៃពានរង្វាន់ Cambodian Premier League 2022 ទទួលរៀបចំរហូតដល់ទៅ១១០៣៤៣នាក់។
សម្រាប់ការប្រកួតដែលមានទស្សនិកជនចូលទស្សនាច្រើនជាងគេគឺ ក្នុងជំនួបសប្ដាហ៍ទី១១ នៅថ្ងៃទី១៦ ខែកក្កដា ឆ្នាំ២០២២ រវាងក្រុមម្ចាស់ផ្ទះអង្គរថាយហ្គឺរ ទទួលក្រុមបឹងកេត លើទីលានកីឡដ្ឋានហនុមាន ក្នុងខេត្តសៀមរាប ដែលមានសរុបរហូតដល់៤៨៥៧នាក់។
ចំណែកការប្រកួតក្នុងតំបន់ Top4 ដែលមានទស្សនិកជនចូលទស្សនាច្រើនជាងគេគឺនៅសប្ដាហ៍ទី២៦ ក្នុងថ្ងៃទី២៦ ខែវិច្ឆិកា ឆ្នាំ២០២២ រវាងក្រុមម្ចាស់ផ្ទះវិសាខា ទទួលក្រុមភ្នំពេញក្រោន លើទីលានកីឡដ្ឋានព្រីនស៍ ដែលមានចំនួនសរុប៤៥៦៧នាក់។
ដោយឡែកក្នុងចំណោម៩៤ប្រកួតមកនេះ មានការប្រកួតចំនួន២ ត្រូវក្រុមហ៊ុន Cambodian Premier League ពិន័យម្ចាស់ផ្ទះអោយប្រកួតបិទទ្វារ ក្នុងនោះប្រកួតសប្ដាហ៍ទី៦ រវាងម្ចាស់ផ្ទះ Tiffy Army FC ទទួលក្រុមវិសាខា ក្នុងសប្ដាហ៍ទី៦ លើទីលានកីឡដ្ឋានកងយោធពលខេរភូមិន្ទ និងប្រកួតសប្ដាហ៍ទី១៥ ពេលក្រុមអង្គរថាយហ្គឺរ ទទួលក្រុមវិសាខា លើទីលានកីឡដ្ឋានហនុមាន៕