ក្លិបបាល់ទាត់គីរីវង់សុខសែនជ័យ ដែលមានមូលដ្ឋាននៅខេត្តតាកែវ ក្រោមការដឹកនាំរបស់លោក Manuel Retamero Fraile ជនជាតិអេស្ប៉ាញ បានប្រកាសចែកផ្លូវកីឡាករជាច្រើន ក្រោយចប់លីគកំពូលកម្ពុជា Cambodian Premier League 2022។
ក្នុងមានអ្នកចាំទី ថា ច័ន្ទឬទ្ធី វិលត្រឡប់ទៅកាន់ក្លិបបាល់ទាត់បឹងកេតវិញ ក្រោយចប់កិច្ចសន្យាខ្ចីជើងរយ:ពេល ១រដូវកាល និងថ្មីៗនេះគឺកីឡាករ លី ម៉ូស្លីម សមាជិកទី៥ ដែលចាកចេញពីក្លិបគិរីវង់សុខសែនជ័យ។
កីឡាករបរទេសមានដូចជា៖
Thiago Fernandes (ប្រេស៊ីល-ទីម័រខាងកើត)
David Koum (កាម៉េរ៉ូន)
Motohiro Kaneshiro (ជប៉ុន)។
លីគកំពូលកម្ពុជា រដូវកាល២០២២ ក្លិបបាល់ទាត់គិរីវង់សុខសែនជ័យ ធ្វើមិនបានល្អសោះឡើយ ពោលគឺស្ថិតនៅលេខរៀងទី៨ ក្រោយឆ្លងកាត់២១ប្រកួត ឈ្នះ១ ស្មើ២ និងចាញ់១៨លើក មានតែ៥ពិន្ទុប៉ុណ្ណោះ។
ចំពោះកៅអីលីគកំពូលកម្ពុជា រដូវកាល២០២៣ គឺក្លិបបាល់ទាត់គិរីវង់សុខសែនជ័យ ត្រូវជួបក្រុមលេខរៀងទី៣ នៃលីគលំដាប់ទី២ Cambodia League 2 ដើម្បីជម្រុះយកក្រុមឈ្នះចំនួន១ លេងនៅលីគកំពូលកម្ពុជា។
សម្រាប់លីគកំពូលកម្ពុជារដូវកាលឆ្នាំ២០២២នេះ មានចំណាត់ថ្នាក់រួមដូចជា៖
ជើងឯក ៖ ភ្នំពេញក្រោន ៥២ពិន្ទុ
ជើងឯករង៖ វិសាខា ៥២ពិន្ទុ
លេខ៣៖ ព្រះខ័នរាជស្វាយរៀង ៤៩ពិន្ទុ
លេខ៤៖ បឹងកេត ៣៩ពិន្ទុ
លេខ៥៖ ណាហ្គាវើល ២៩ពិន្ទុ
លេខ៦៖ Tiffy Army FC ២៣ពិន្ទុ
លេខ៧៖ អង្គរថាយហ្គឺរ ២១ពិន្ទុ
លេខ៨៖ គីរីវង់សុខសែនជ័យ ៥ពិន្ទុ។
សម្រាប់លីគលំដាប់ទី២កម្ពុជារដូវកាលឆ្នាំ២០២២នេះ មានចំណាត់ថ្នាក់រួមដូចជា៖
ជើងឯក ៖ អគ្គិសនីកម្ពុជា ៥១ពិន្ទុ
ជើងឯករង៖ ISI ដង្កោសែនជ័យ ៥១ពិន្ទុ
លេខ៣៖ នគរបាលជាតិ ៤៨ពិន្ទុ
លេខ៤៖ កោះកុង ៤៦ពិន្ទុ
លេខ៥៖ ព្រៃវែង ៤៤ពិន្ទុ
លេខ៦៖ អាសុីអឺរ៉ុប យូណាយធីត ៣៨ពិន្ទុ
លេខ៧៖ សូលទីឡូអង្គរ ៣០ពិន្ទុ
លេខ៨៖ សាលាបាល់ទាត់ជាតិ ២១ពិន្ទុ
លេខ៩៖ សៀមរាប ២០ពិន្ទុ
លេខ១០៖ ត្បូងឃ្មុំ ១៩ពិន្ទុ
លេខ១១៖ ណិចស្តិបអេហ្វសុី ៦ពិន្ទុ
លេខ១២៖ បន្ទាយមានជ័យ ៦ពិន្ទុ៕
