បន្ទាប់ពីផ្ទុះរឿងរ៉ាវរសើបរបស់ខ្សែប្រយុទ្ធ Kylian Mbappe លួចបង្កាត់ភ្លើងស្នេហ៍ជាមួយតារាម៉ូដែលស្រីកែភេទទស្សនាវដ្ដី Playboy ជាមួយនាង Ines-Loan Rau អំឡុងព្រឹត្តិការណ៍ World Cup ឆ្នាំ២០២២ នៅប្រទេសកាតា កាលពីពេលថ្មីៗនេះ។
ពេលនេះ Kylian Mbappe ត្រូវបានគេរាយការណ៍ថាបានចុច Unfollow គណនី Instagram ព្រមទាំងបានផ្ដាច់ទំនាក់ទំនង ជាមួយនាង Ines-Loan Rau ដែលជាតារាម៉ូដែលស្រីកែភេទ វ័យ៣២ឆ្នាំ។ បន្ទាប់ពីលួចបង្កាត់ភ្លើងស្នេហ៍យ៉ាងរោលរាលអស់រយៈពេលជាច្រើនខែមកនេះ។
Mbappe ជាកីឡាករវ័យក្មេងដែលកំពុងមានប្រជាប្រិយភាពខ្លាំងក្លា ត្រឹមវ័យតែ២៤ឆ្នាំប៉ុណ្ណោះរូបគេអាចស៊ុត Hat-trick ក្នុងព្រឹត្តិការណ៍ World Cup វគ្គផ្តាច់ព្រ័ត្រ ទល់នឹងអាហ្សង់ទីន និងឈ្នះ «ស្បែកជើងមាស» ជាមួយគ្រាប់បាល់សរុប៨គ្រាប់ ហើយបានសាងកេរ្តិ៍ឈ្មោះល្បីល្បាញក្នុងពិភពបាល់ទាត់ពិភពលោក។
ខណ:នាង Ines Rau ជាតារាម៉ូដែលជនជាតិបារាំង ដោយបានសម្រេចចិត្តកែភេទរបស់ខ្លួនឱ្យក្លាយជាមនុស្សស្រីពេញលក្ខណៈកាលពីអាយុ ១៦ ឆ្នាំ។ សព្វថ្ងៃនាងជាម៉ូដែលកែភេទដំបូងគេបានថតអាក្រាតកាយឱ្យទស្សនាវដ្ដី Playboy។
សម្រាប់ Rau បានចូលមកចាប់អាជីពថតរូបភាពស្រើបស្រាលឱ្យ Playboy ជាលើកដំបូងកាលពីឆ្នាំ ២០១៤ ហើយក្រោយកែភេទបានសម្រេច នាងផ្ដល់កិត្តិយសឱ្យក្លាយតារាម៉ូដែលកែភេទដំបូងគេដែលបង្ហាញខ្លួននៅលើគម្របទស្សនាវដ្ដី។ បីឆ្នាំក្រោយមកទៀត ទើបនាងបានបង្ហាញខ្លួននៅលើក្របសៀវភៅរបស់ Playboy ជាលើកទីពីរ។ប៉ុន្តែនៅពេលនេះ Rau ត្រូវប្រឈមមុខនឹងការរិះគន់យ៉ាងខ្លាំង បើទោះបីជា Playboy ព្យាយាមលើកស្ទួយលើរូបនាង។
បច្ចុប្បន្ន Kylian Mbappe ខ្សែប្រយុទ្ធសញ្ជាតិបារាំង របស់ក្លិបបាល់ទាត់ Paris Saint Germain ជាប់ជាកីឡាករដែលមានមានតម្លៃខ្លួនជាងលើពិភពលោក ១៦៨.៥លានដុល្លារ ខណ:រូបគេក៏ទើបបន្តកុងត្រាថ្មីជាមួយ PSG រហូតដល់ឆ្នាំ ២០២៥ ធ្វើឱ្យក្តីរំពឹងរបស់ Real Madrid ដែលចង់បានរូបគេត្រូវសាបសូន្យ៕
