ក្រោមការរៀបចំដោយសហព័ន្ធកីឡាបាល់ទាត់អាស៊ាន (AFF) ការប្រកួតពានរង្វាន់ធំប្រចាំតំបន់អាស៊ាននៅឆ្នាំ២០២២នេះ មានឈ្មោះថា AFF Mitsubishi Electric Cup 2022 ចាប់ផ្ដើមកាលពីថ្ងៃទី២០ ខែធ្នូ ដល់ថ្ងៃទី១៦ ខែមករា ឆ្នាំ២០២៣។ ការប្រកួតមានក្រុមជម្រើសជាតិ ១០ប្រទេសចូលរួម នឹងបានប្រើប្រាស់កីឡដ្ឋានចំនួន ១២ក្នុងប្រទេសចំនួន៩ សម្រាប់ធ្វើការប្រកួតជម្រុះក្នុងពូល។
កីឡាដ្ឋានទាំង១២នោះរួមមានដូចខាងក្រោម៖
១. ពហុកីឡដ្ឋានជាតិ មរតកតេជោ ប្រទេសកម្ពុជា អាចផ្ទុកអ្នកទស្សនាបាន ៦០ ០០០នាក់
២. ពហុកីលដ្ឋាន Mỹ Đình National ប្រទេសវៀតណាម អាចផ្ទុកអ្នកទស្សនាបាន ៤០ ១៩២នាក់
៣. ពហុកីឡដ្ឋាន Rizal Memorial ប្រទេសហ្វីលីពីន អាចផ្ទុកអ្នកទស្សនាបាន ១២ ០០០នាក់
៤. ពហុកីឡដ្ឋាន New Laos National ប្រទេសឡាវ អាចផ្ទុកអ្នកទស្សនាបាន ២៥ ០០០នាក់
៥. ពហុកីឡដ្ឋាន Thammasat ប្រទេសថៃ អាចផ្ទុកអ្នកទស្សនាបាន ១២ ០០០នាក់
៦. ពហុកីឡដ្ឋាន Rajamangala ប្រទេសថៃ អាចផ្ទុកអ្នកទស្សនាបាន ៥១ ៥៥២នាក់
៧. ពហុកីលដ្ឋាន Thuwunna ប្រទេសមីយ៉ានម៉ា អាចផ្ទុកអ្នកទស្សនាបាន ៣២ ០០០នាក់
៨. ពហុកីឡដ្ឋាន Gelora Bung Karno ប្រទេសឥណ្ឌូណេស៊ី អាចផ្ទុកអ្នកទស្សនាបាន ៧៧ ១៩៣នាក់
៩. ពហុកីឡដ្ឋាន Bukit Jalil National ប្រទេសម៉ាឡេស៊ី អាចផ្ទុកអ្នកទស្សនាបាន ៨៧ ៤១១នាក់
១០. ពហុកីឡដ្ឋាន Kuala Lumpur ឬ KLFA ប្រទេសម៉ាឡេស៊ី អាចផ្ទុកអ្នកទស្សនាបាន ១៨ ០០០នាក់
១១. ពហុកីឡដ្ឋាន Singapore National ប្រទេសសិង្ហបុរី អាចផ្ទុកអ្នកទស្សនាបាន ៥៥ ០០០នាក់
១២. ពហុកីឡដ្ឋាន Jalan Besar ប្រទេសសិង្ហបុរី អាចផ្ទុកអ្នកទស្សនាបាន ៦ ០០០នាក់
ការប្រកួតពានរង្វាន់ AFF Mitsubishi Electric Cup 2022 បានឈានដល់ថ្ងៃទី២៩ ខែធ្នូ ដោយក្រុមកម្ពុជា នឹងត្រូវប៉ះក្រុមប្រ៊ុយណេ នៅក្នុងពហុកីឡដ្ឋានជាតិ មរតកតេជោ វេលាម៉ោង ៥:០០នាទីល្ងាចតទៅ។
ខណ:ឥណ្ឌូណេស៊ី ជួបថៃ ក្នុងកីឡដ្ឋាន Gelora Bung Karno វេលាម៉ោង ៤:៣០នាទីល្ងាចតទៅ។ ក្នុងពូល A ចំណាត់ថ្នាក់បណ្តោះអាសន្ន៖ ថៃ ឈរនៅកមពូលតារាង មាន៦ពិន្ទុ, ឥណ្ឌូណេស៊ី លេខ២មាន ៦ពិន្ទុ, កម្ពុជា លេខ៣មាន ៣ពិន្ទុ, ហ្វីលីពីន លេខ៤មាន ៣ពិន្ទុ ៥. ប្រ៊ុយណេ សូន្យពិន្ទុ៕