ការប្រកួតពានរង្វាន់ AFF Mitsubishi Electric Cup 2022 កំពុងបន្តប្រកួតជម្រុះក្នុងពូលដោយនៅល្ងាចនេះកម្ពុជា និងត្រូវជួបក្រុមប្រ៊ុយណេ នៅពហុកីឡដ្ឋានជាតិមរតកតេជោ វេលាម៉ោង ៥:០០នាទីល្ងាច និងថៃជួបក្រុមឥណ្ឌូណេស៊ី ក្នុងកីឡដ្ឋានGelora Bung Karno ទីក្រុងហ្សាកាតា ប្រទេសឥណ្ឌូណេស៊ី វេលាម៉ោង ៤:៣០នាទីតទៅ។
ការប្រកួតពានរង្វាន់ធំប្រចាំតំបន់អាស៊ាននៅឆ្នាំ២០២២នេះ មានឈ្មោះថា AFF Mitsubishi Electric Cup 2022 ដែលរៀបចំដោយសហព័ន្ធកីឡាបាល់ទាត់អាស៊ាន (AFF) បានដាក់អាជ្ញាកណ្ដាលចំនួន៩រូបដើម្បីដឹកនាំការប្រកួត។
បន្ទាប់ពីប្រកួតជម្រុះតាមពូលបាន១២ ប្រកួតរួចមកមានអាជ្ញាកណ្ដាល ៣រូបប៉ុណ្ណេះដែលបានដឹកនាំបាន៣ប្រកួតរួមហើយ ក្នុងនោះមានដូចខាងក្រោម៖
១. លោក Ryuji Sato សញ្ជាតិជប៉ុន ប្រើប្រាស់កាតអស់៩ (លឿង៧ ក្រហម២) ដឹកនាំការប្រកួត៖ ឥណ្ឌូណេស៊ី ប៉ះ កម្ពុជា និងវៀតណាម ប៉ះ ម៉ាឡេស៊ី
២. Yudai Yamamoto សញ្ជាត្តិជប៉ុន ប្រើប្រាស់កាតអស់៦ (លឿង៦ ក្រហម០) ដឹកនាំការប្រកួត៖ ថៃ ប៉ះ ហ្វីលីពីន និងឡាវ ប៉ះ សិង្ហបុរី
៣. Majed Mohammed Alshamrani សញ្ជាតិអារ៉ាប៊ីសាអ៊ូឌីត ប្រើប្រាស់កាតអស់៦ (លឿង៥ ក្រហម០) ដឹកនាំការប្រកួត៖ ម៉ាឡេស៊ី ប៉ះ ឡាវ និងកម្ពុជា ប៉ះ ហ្វីលីពីន
ជំនួបនៅល្ងាចថ្ងៃទី២៩ ខែធ្នូ នេះក្រុមជម្រើសជាតិកម្ពុជា នឹងត្រូវប្រកួតទល់នឹង ក្រុមជម្រើសជាតិប្រ៊ុយណេ ពូល A នៃពានរង្វាន់ AFF Mitsubishi Electric Cup 2022 ក្នុងពហុកីឡដ្ឋានជាតិមរតកតេជោ វេលាម៉ោង ៥:០០នាទីល្ងាចតទៅ នៅរាជធានីភ្នំពេញ ខណ:ថៃ នឹងត្រូវជួបក្រុមឥណ្ឌូណេស៊ី ក្នុងកីឡដ្ឋាន Gelora Bung Karno ទីក្រុងហ្សាកាតា ប្រទេសឥណ្ឌូណេស៊ី វេលាម៉ោង ៤:៣០នាទីល្ងាច។
គិតត្រឹមថ្ងៃនេះតារាងចំណាត់ថ្នាក់ពូល A បណ្តោះអាសន្ន៖ ថៃ ឈរនៅកមពូលតារាង មាន៦ពិន្ទុ, ឥណ្ឌូណេស៊ី លេខ២មាន ៦ពិន្ទុ, កម្ពុជា លេខ៣មាន ៣ពិន្ទុ, ហ្វីលីពីន លេខ៤មាន ៣ពិន្ទុ ៥. ប្រ៊ុយណេ សូន្យពិន្ទុ។ តារាងចំណាត់ថ្នាក់ពូល B បណ្តោះអាសន្ន៖ ម៉ាឡេស៊ី ឈរនៅកមពូលតារាង មាន ៦ពិន្ទុ, វៀតណាម លេខ២មាន ៦ពិន្ទុ, សិង្ហបុរី លេខ៣មាន ៦ពិន្ទុ ខណ: មីយ៉ាន់ម៉ា និងឡាវ មានសូន្យពិន្ទុ៕
