សិល្បៈអន្តរជាតិ៖ តារាសម្ដែង/តារាចម្រៀង Tiffany Young បានបង្ហាញវត្តមានក្នុកម្មវិធីសម្ភាសន៍របស់អ្នកកាសែតក្រោយបានបង្ហាញវត្តមានសម្ដែងក្នុងភាពយន្តល្បី «Reborn Rich» របស់ស្ថានីយទូរទស្សន៍ JTBC ចំពោះករណីដែលមានមតិរិះគន់ទៅលើការសម្ដែងរឿងភាគលើកដំបូងរបស់នាង។
នៅក្នុងរឿងភាគនេះ សមាជិក Girls’ Generation គឺជាតារាសម្ដែងទោលជនជាតិអាមេរិក-កូរ៉េឈ្មោះ Rachel ដោយធ្វើការសម្ងាត់ជាមួយ Jin Do Joon (Song Joong Ki)និង Oh Se Hyun (Park Hyuk Kwon)
ចម្លើយដំបូងដែល Tiffany ឆ្លើយតបនោះគឺទាក់ទងនឹងសំនួររបស់អ្នកគាំទ្រជាច្រើនដែលបានបង្ហោះចោទសួរថា តើ Rachel ទៅណា? ដោយនាងបានលើកឡើងថា «ខ្ញុំពិតជាអរគុណណាស់ដែលអ្នកគាំទ្រឆ្ងល់ថានឹងមានអ្វីកើតឡើងចំពោះ Rachel. ដំបូងឡើយខ្ញុំពិតជាគិតថា Rachel គឺជាតួអង្គមួយដែលអាចធ្វើអ្វីបានដោយគ្មានទីបញ្ចប់។ ហេតុនេះហើយខ្ញុំពិតជាអរគុណមែនទែនដែលអ្នកទស្សនាសួរសំនួរថា តើ Rachel ទៅណា? និង តើពេលនេះ Rachel កំពុងធ្វើអ្វី?
បន្ថែមលើសពីនោះ Tiffany បានបើកចិត្តនិយាយដល់ពាក្យរិះគន់ដែលនាងបានទទួលពីអ្នកទស្សនាខ្លះដែលមានអារម្មណ៍ថានាងគឺជាបន្ទុកសម្រាប់តារាសម្ដែងជើងចាស់ទាំងអស់។ ក្នុងនោះតារារូបនេះបានបញ្ជាក់ថា ក្នុងនាមជាអ្នកសម្ដែង ខ្ញុំតែងតែបើកចិត្តស្ដាប់ការចង់បានរបស់អ្នកទស្សនានិងទស្សនិកជន។ ខ្ញុំព្យាយាមស្ដាប់ហើយយកទៅធ្វើការពិចារណានិងគិតគូ។ ការសម្រេចចិត្តរបស់ខ្ញុំទទួលបានការយល់ឃើញផ្ទុយ ដូច្នេះខ្ញុំនឹងព្យាយមធ្វើអ្វីផ្សេងទៀតដែលខុសពីនេះលើកឡើង។
នាងបានបន្តថា «ខ្ញុំគឺជាតារាសម្ដែងរលកក្រោយ។នៅក្នុងការសម្ដែងខ្ញុំធ្វើតាមការចង្អុលបង្ហាញនិងការប្រាប់ពីសេណារីយ៉ូសាច់រឿងមុនពេលគេយកទៅកាត់តនិងចាក់ផ្សាយលើកញ្ចក់ទូរទស្សន៍។ ខ្ញុំមានតែទទួលយកនៅសសមិទ្ធិផលចុងក្រោយដែលយកមកចាក់បញ្ចាំង ហើយសិក្សាពីវាយ៉ាងយកចិត្តទុកដាក់។ ប៉ុន្តែខ្ញុំសូមនិយាយថានៅក្នុងឈុតឆាកជាច្រើន ខ្ញុំសម្ដែងទៅតាមការណែនាំ មិនមែនចេញពីការគិតរបស់ខ្ញុំនោះឡើយ។ ខ្ញុំជឿជាក់ថាពេលដែលមានឱកាសសម្ដែងកាន់តែច្រើន ខ្ញុំនឹងអភិវឌ្ឍបានបែបផែននៃការសម្ដែងមួយជារបស់ខ្លួនឯង ប៉ុន្តែនៅពេលនេះខ្ញុំត្រូវតែធ្វើតាមការណែនាំតាមស្គ្រីបរឿង ដែលខ្ញុំទទួលបាននិងការណែនាំពីអ្នកដឹកនាំ។
ចុងក្រោយ Tiffany បានបញ្ជាក់ទៀតថា «ការសម្ដែងក្នុងរឿងនេះគឺជាការរៀនសូត្រមួយដ៏ល្អសម្រាប់ខ្ញុំ។អ្វីដែលខ្ញុំចាប់អារម្មណ៍បំផុតនោះគឺតើខ្ញុំអាចអភិវឌ្ឍខ្លួនបានកម្រិតណា តើខ្ញុំអាចក្លាយជាចំណែកសំខាន់នៃសាច់រឿងបានដល់កម្រិតណា?
ប្រភព៖ Allkpop