ម្ចាស់ស្បែកជើងមាសលីគកំពូលកម្ពុជា ឆ្នាំ២០១៤ គឺខ្សែប្រយុទ្ធ Dzarma Bata ចូលរួមជាមួយក្រុមលីគលំដាប់ទី៣របស់ប្រទេសថៃ ដែលទេីបមានអាយុ៤ឆ្នាំ Watbot City FC បន្ទាប់ពីចាកចេញពីសូលទីឡូអង្គរ ក្រោយចប់លីគលំដាប់ទី២របស់ប្រទេសកម្ពុជា Cambodia League 2។
ខ្សែប្រយុទ្ធ Dzarma Bata ឈ្មោះពេញ Dzarma Bata Debiro កើតនៅថ្ងៃទី៥ ខែកុម្ភៈ ឆ្នាំ១៩៩៣ នៅទីក្រុង Owode ប្រទេសនីហ្សេរីយ៉ា បច្ចុប្បន្នមានវ័យ២៩ឆ្នាំ និងកម្ពស់១.៨០ម៉ែត្រ។
Bata គឺជាកីឡាករបរទេសមានបទពិសោធជោគជាំក្នុងលីគកំពូលកម្ពុជា ពិសេសគេធ្លាប់ជួយក្រុមបឹងកេត លើកពានលីគ ២សម័យកាលក្នុងឆ្នាំ២០១៦ និងឆ្នាំ២០២០។
ខណ:រូបគេក៏ធ្លាប់លេងនៅក្លិបជាច្រើននៅប្រទេសកម្ពុជា ដូចជា៖ ព្រះខ័នរាជស្វាយរៀង, អង្គរថៃហ្គឺរ, អាស៊ីអឺរ៉ុប យូណាយធីត, ភ្នំពេញក្រោន ,កងយោធពលខេមរភូមិន្ទ និងចុងក្រោយសូលទីឡូអង្គរ៕