សិល្បៈអន្តរជាតិ៖ រឿងដែលអ្នកគាំទ្ររឿងភាគកូរ៉េកំពុងចាប់អារម្មណ៍ជាពិសេសនាខណៈនេះគ្មានអ្វីក្រៅពីសាច់រឿងស្នេហាក្នុងវគ្គ២ «Alchemy of Souls» ដែលសម្ដែងដោយ Lee Jae Wook និង Go Yoon Jung នោះឡើយ។
ថ្មីៗនេះភាពយន្តបែបអភិនីហារមួយនេះបានធ្វើឱ្យបណ្ដាញសង្គមឡើងកម្ដៅជាអតិបរមាជាមួយនឹងឈុតឆាកផ្អែមល្ហែមនាំអ្នកទស្សនាក្ដៅខ្លួនរវាងតួឯកប្រុសស្រីនៃសាច់រឿង។
តួឯក Jang Ok និង Jin Bu Yeon កំពុងស្ថិតក្នុងទំនាក់ទំនងមួយពិបាកអធិប្បាយឬអាចនិយាយបានស្នេហាប្រៀបបានទឹកលើស្លឹកឈូក ជាពិសេសឈុតឆាកដែល Jang Ok ចាប់ Jin Bu Yeon ថើបមាត់ទាំងដែលគេនៅស្រលាញ់ Naksu ពេញបេះដូង។
អ្នកទស្សនាបានដឹងហើយថាប៉ុន្មានភាគមកនេះទំនាក់ទំនងរវាងតួឯកទាំងពីរចាប់ផ្ដើមអភិវឌ្ឍទៅរកភាពល្អប្រសើរព្រោះអ្នកទាំងពីររួមដៃគ្នាជួយ Seo Yul។ យ៉ាងណាមិញ Jang Ok បានសន្យាបញ្ជូន Jin Bu Yeon ត្រលប់ទៅផ្ទះវិញជាថ្នូរនឹងការជួយសង្គ្រោះនិងព្យាបាល Seo Yol។
បន្ទាប់ពីសន្យាបញ្ជូន Bu Yeon ទៅផ្ទះវិញ ប៉ុន្តែ Jang OK បែរជាតូចចិត្តដែល Jin Bu Yeon បែរជាចាកចេញដោយមិនលា។ ក្រោយពីជជែកគ្នាយ៉ាងក្ដៅគគុក ប៉ុន្តែ Bu Yeon បានត្រៀមខ្លួនទៅផ្ទះរួចស្រេចហើយតែត្រូវ Jang OK ឃាត់។ ដូច្នេះ Bu Yeon មិនពេញចិត្តចំពោះការផ្លាស់ប្ដូរចិត្តភ្លាមៗរបស់ Jang Ok ហើយបាននិយាយថា «ខ្ញុំមិនចង់ជួបលោកទៀតទេ»។
ចំណែក Jang Ok កាន់តែធ្វើឱ្យគ្រប់គ្នាភ្ញាក់ផ្អើលនៅពេលគេសារភាពថាគេក៏យល់ដូចគ្នា ព្រោះគេមានចិត្តចំពោះ Bu Yeon ហើយចង់នៅក្បែរនាងពេលនាងគ្មាននាងនៅក្បែរ។ និយាយទៅអាកប្បកិរិយាស្ងប់ស្ងាត់ដែលគេមានចំពោះនាងតាំងពីដំបូង មិនប្លែកនោះឡើយដែល Bu Yeon ភ្ញាក់ផ្អើលចំពោះពាក្យសារភាពនេះ។
ទីបំផុតពេលវេលាដែលអ្នកទស្សនាបានមកដល់គឺនៅពេលដែលអ្នកទាំងពីរមានពេលវេលាផ្អែមល្ហែមជាមួយគ្នាគឺស្នាមថើបដំបូងដែលពោរពេញទៅដោយអារម្មណ៍ស្នេហាជ្រាលជ្រៅ អារម្មណ៍ដែលច្របូកច្របល់ របស់តួអង្គ។
ឈុតឆាកចុងក្រោយនេះបញ្ចប់ទៅធ្វើឱ្យអ្នកទស្សនាស្ដាយ ប៉ុន្តែមិនថ្វីនោះឡើយព្រោះផ្ដើមបើកក្បាលភាគថ្មី អ្នកទាំងពីរនៅតែបន្តថើបគ្នាយ៉ាងស្អិតល្មួត ហើយមើលទៅកាន់តែក្ដៅគគុកជាងមុនទៀត ជាពិសេសស្នាមថើបនេះគឺយូរជាងមុនភាគថែមទៀតផង។
ដូចការរំពឹងទុក បន្ទាប់ពីភាគទាំងពីរខាងលើបានផ្សាយចេញ អ្នកទស្សនាជាច្រើនបានឈ្លក់វង្វេងចំពោះគូស្នេហ៍ក្នុងរឿងភាគនេះជាពិសេសគឺស្នាមថើបដ៏ស៊ីជម្រៅរវាងតួអង្គទាំងពីរបន្ទាប់ពីអារម្មណ៍របស់តួអង្គចាប់ផ្ដើមវិវត្តន៍ទៅជាស្នេហា៕
ប្រភព៖ Koreaboo