នៅព្រឹកថ្ងៃទី០៩ ខែមករា ឆ្នាំ២០២៣ នេះ ក្លិបកីឡាបាល់ទាត់ វិសាខា បានរៀបចំកម្មវិធី ដំណើរ ទេសចរណ៍របស់ក្លិបក្រោយគ្រងតំណែងជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ៣រដូវកាលជាប់គ្នាឬ VISAKHA TROPHY TOUR នៅសាកលវិទ្យាល័យជាតិបាត់ដំបង ខេត្តបាត់ដំបង។
កម្មវិធីនេះ ធ្វើឡើងក្រោមអធិបតីភាពឯកឧត្តម ស សុខា ស្ថាបនិកក្លិប និងលោកជំទាវ កែ សួនសុភី ប្រធានក្លិបកីឡាបាល់ទាត់ វិសាខា និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោកជំទាវ។
សូមបញ្ជាក់ថា ដំណើរទេសចរណ៍របស់ក្លិបតទៅកាន់ខេត្តចំនួន ៦នៅក្នុងប្រទេសរួមមាន ខេត្តបាត់ដំបង, ខេត្តបន្ទាយមានជ័យ, ខេត្តព្រៃវែង, ខេត្តកែប, ខេត្តកំពត, និងខេត្តព្រះសីហនុ។
ជាមួយកម្មវិធី VISAKHA TROPHY TOUR នេះដែរ ក្លិបរបស់យើង ក៏បានរៀបចំនូវកម្មវិធី ចែករំលែកក្ដីស្រឡាញ់របស់ក្លិបកីឡាបាល់ទាត់ វិសាខា តាមរយៈការចែករំលែកចំណេះដឹង និងបច្ចេកទេសលេងបាល់ទាត់ ដល់សិស្សានុសិស្សជាច្រើន និងការប្រកួតលក្ខណៈមិត្តភាព ប្រកបដោយបរិយាកាសសប្បាយរីករាយ និងភាពស្និទ្ធស្នាលផងដែរ។
គួរដឹងដែរថា សម្រាប់រដូវកាលឆ្នាំ២០២២ ក្រុមបាល់ទាត់វិសាខា ទទួលបានចំណាត់ថ្នាក់ជើងឯករង ខណ:ភ្នំពេញក្រោនទទួលបានជើងឯកលេខ៣ ព្រះខ័នរាជស្វាយរៀង លេខ៤ បឹងកេត លេខ៥ ណាហ្គាវើល៕