ពារង្វាន់សម្តេចតេជោ ហ៊ុន សែន ថ្នាក់ជាតិ លើកទី១៧ រដូវកាលឆ្នាំ២០២៣-២៤ បានរកឃើញម្ចាស់ជើងឯកហើយ គឺបានលើក្រុមព្រះខ័នរាជស្វាយរៀង ក្រោយយកឈ្នះលើក្រុមភ្នំពេញក្រោន វគ្គផ្តាច់ព្រ័ត្រ ដោយលទ្ធផល ០-១ ខណៈជ័យលេភីលេខ៣បានលើក្រុមវិសាខា ក្រោយយកឈ្នះលើក្រុមបឹងកេត ដោយបាល់កាត់ក្តី១១ ៣-៤ ក្រោយក្រុមទាំងពីរស្នើគ្នា ០-០។
រីឯសមាជិករបស់ក្រុមវិសាខា គឺកីឡាករ De Liveira Bastos Jonata គឺជាកីឡាករបរទេសដំបូងគេឈ្នះ ពានស្បែកជើងមាស ក្នុងពានរង្វាន់សម្តេចថ្នាក់ជាតិលើក ទី១៧ឆ្នាំ២០២៤ ពោលគឺរូបគេរកបាន ៦គ្រាប់ ខណៈកន្លងទៅគឺមានតែកីឡាករខ្មែរប៉ុណ្ណោះដែលធ្លាប់ឈ្នះពានមួយនេះ។
ខាងក្រោមនេះជាបញ្ចីឈ្មោះកីឡាករដែលធ្លាប់ឈ្នះពានរង្វាន់ស្បែកជើងមាស ចាប់តាំងពីឆ្នាំ២០០៧៖
- ២០០៧ ហុក សុជីវ័ន្ត របស់ភ្នំពេញក្រោន
- ២០០៨ សុខ ចន្ទរស្មី រកបាន១២គ្រាប់ របស់ក្លិប Spart FC
- ២០០៩ គួច សុកុម្ភៈ រកបាន២១គ្រាប់ របស់ខេមរាកីឡា
- ២០១០ គួច សុកុម្ភៈ (ខមរាកីឡា) និង ស្រី វាសនា (ភ្នំពេញក្រោន) រកបាន២០ គ្រាប់ដូចគ្នា
- ២០១១ ឃួន ឡាប៊ូរ៉ាវី រកបាន២២គ្រាប់ របស់ព្រះខ័នរាជស្វាយរៀង
- ២០១២ ឃួន ឡាប៊ូរ៉ាវី រកបាន២២គ្រាប់ របស់ព្រះខ័នរាជស្វាយរៀង
- ២០១៣ ចាន់ វឌ្ឍនាកា រកបាន១១គ្រាប់ របស់បឹងកេត
- ២០១៤ ឃួន ឡាប៊ូរ៉ាវី រកបាន១២គ្រាប់ របស់បឹងកេត
- ២០១៥ ប្រាក់ មុន្នីឧត្តម រកបាន២៤គ្រាប់ របស់ព្រះខ័នរាជស្វាយរៀង
- ២០១៦ សួង វីរៈ រកបាន២៥គ្រាប់ របស់អង្គរថាយហ្គឺរ
- ២០១៧ ឃួន ឡាប៊ូរ៉ា រកបាន១៦គ្រាប់ របស់បឹងកេត
- ២០១៨ នួន បូរី រកបាន៩គ្រាប់ របស់អគ្គស្នងការដ្ឋាននគរបាលជាតិ
- ២០១៩ វ៉ា សុថន រកបាន១១គ្រាប់ របស់ភ្នំពេញក្រោន
- ២០២០ វុធ តុលា រកបាន៦គ្រាប់ របស់ព្រៃវែង
- ២០២១ កែវ សុខផេង រកបាន៧គ្រាប់ របស់វិសាខា
- ២០២២ សៀង ចន្ធា រកបាន៦គ្រាប់ របស់បឹងកេត
- ២០២៣ បានលើកីឡាករបរទេស De Liveira Bastos Jonata រកបាន៦គ្រាប់ របស់វិសាខា
ខាងក្រោមនេះគឺជាម្ចាស់ជើងឯកដែលនៅធ្លាប់ឈ្នះ Hun Sen Cup៖
១) ព្រះខ័នរាជស្វាយរៀង ឈ្នះ ៥សម័យកាល (២០១១,២០១២,២០១៥,២០១៧, ២០២៣)
២) វិសាខា ធ្លាប់ឈ្នះ៣សម័យកាល (២០២០,២០២១,២០២២)
៣) ភ្នំពេញក្រោន ធ្លាប់ឈ្នះ២សម័យកាល (២០០៨,២០០៩)
៤) ណាហ្គាវើល ធ្លាប់ឈ្នះ១សម័យកាល (២០១៣)
៥) បឹងកេត ធ្លាប់ឈ្នះ១សម័យកាល (២០១៩) ចំណែកក្រុមខេមរាកីឡា ដែលធ្លាប់ឈ្នះជើងឯកកាលពីរដូវកាលទី១ ក្នុងឆ្នាំ២០០៧ កន្លងទៅបានរំសាយក្លិបបាត់ទៅហើយ៕