នៅរសៀលថ្ងៃសុក្រ ទី១៣ ខែមករា ឆ្នាំ២០២៣ ក្លិបបាល់ទាត់ភ្នំពេញក្រោន ក្រោមការដឹកនាំរបស់លោក Oleg Starynskyi បានប្រកាសបន្តកិច្ចសន្យារយៈពេលវែងជាមួយខ្សែប្រយុទ្ធវ័យក្មេង លឹម ពិសុទ្ធ ត្រៀមប្រកួតប្រជែងនៅលីគកំពូលកម្ពុជា រដូវកាល២០២៣ ជាពិសេសវគ្គជម្រុះ AFC Cup តែម្តង។
ខ្សែប្រយុទ្ធវ័យក្មេង លឹម ពិសុទ្ធ របស់ក្លិបបាល់ទាត់ភ្នំពេញក្រោន គឺជាកីឡាករខ្មែរដែលទាត់បញ្ចូលទីច្រើនជាងគេនៅលីគកំពូលកម្ពុជាសរុប១១គ្រាប់ តាមពីក្រោយដោយកីឡាករ សៀង ចន្ធា របស់បឹងកេត មានចំនួន១០គ្រាប់។
ក្រៅពីនេះ លឹម ពិសុទ្ធ ក៏ជាប់ជាម្ចាស់ពានកីឡាករឆ្នើមប្រចាំខែ (CAMBODIAN PREMIER LEAGUE MVP OF THE MONTH) ចំនួន២ដង ពោលគឺនៅខ្សែសីហា និងវិច្ឆិកា ដោយទទួលបានរង្វាន់ម៉ូតូថ្មីស្រឡាងពីក្រុមហ៊ុន Suzuki ក្នុងក្របខណ្ឌពានរង្វាន់លីគកំពូលកម្ពុជា។
ក្នុងនោះ ពិសុទ្ធ ខ្សែប្រយុទ្ធរបស់ភ្នំពេញក្រោន និងជាសមាជិកអាយុក្រោម២២ឆ្នាំរបស់ក្រុមជម្រើសជាតិកម្ពុជា ក៏ស្ថិតក្នុងបញ្ជីកីឡាករ ១១នាក់ល្អជាងគេប្រចាំរដូវកាល ២០២២ នៃលីគកំពូលកម្ពុជាក្នុងកម្មវិធី CPL Football Award 2022។
១១នាក់ល្អជាងគេប្រចាំរដូវកាល CPL ២០២២ ក្នុងទម្រង់ ៤-៣-៣ ដូចជា៖
អ្នកចាំទី៖ សាវែង សំណាង (ភ្នំពេញក្រោន)
ខ្សែការពារ៖ ឆេង ម៉េង (វិសាខា), អ៊ុក សុវណ្ណ (វិសាខា), សារ៉េត គ្រីយ៉ា (ព្រះខ័នរាជស្វាយរៀង), Mizanu Hikaru (ព្រះខ័នរាជស្វាយរៀង)
ខ្សែបម្រើ៖ ម៉ាត នូរុណ (បឹងកេត), សៀង ចន្ធា (បឹងកេត), សារ ទី (វិសាខា)
ខ្សែប្រយុទ្ធ៖ Andres Nieto (ភ្នំពេញក្រោន), Marcus Haber (ព្រះខ័នរាជស្វាយរៀង) និង លឹម ពិសុទ្ធ (ភ្នំពេញក្រោន)៕