សមាជិកក្រុមជម្រើសជាតិនារីប្រទេសហ្វីលីពីន គឺកីឡាការិនី Quinley Quezada ជាខ្សែបម្រើប្រយុទ្ធ បានជោគជ័យក្នុងការផ្ទេរទៅកាន់ក្លិប JEF United Ichihara Chiba Ladies សមាជិកពានរង្វាន់លីគកំពូលនៃប្រទេសជប៉ុន Women Empowerment Leagueនៅរដូវកាលឆ្នាំ២០២១-២១ ខាងមុខ ក្នុងនាមកូតាកីឡាការិនីតំបន់អាស៊ាន។
កីឡាការិនី Quinley Quezada កូនកាត់ហ្វីលីពីន-អាមេរិក ជាសមាជិកបរទេសទី៣នៅក្លិប JEF United Ichihara Chiba Ladies បន្ទាប់ពីកីឡាការិនី Cheng Ssu-yu របស់តៃវ៉ាន់ និងកីឡាការិនី Alex Chidiac របស់អូស្ត្រាលី។
«ខ្ញុំរីករាយដែលទទួលបានឱកាសទៅក្រៅនេះហើយសូមអរគុណអ្នកពាក់ព័ន្ធដែលជំរុញឱ្យខ្ញុំមានថ្ងៃនេះ»។ កីឡាករការិនី Quinley Quezada លើកឡើង។
ジェフ千葉レディースでは、クインリー・クエザダ選手が加入することになりましたので、お知らせします。 https://t.co/CbX20MX5IQ#jefunited #ジェフ千葉レディース #WEリーグ#フィリピン🇵🇭 pic.twitter.com/GJRITqJWM9
— ジェフユナイテッド市原・千葉（公式） (@jef_united) June 17, 2021
ជាមួយគ្នានេះដែរលោកប្រធានសហព័ន្ធកីឡាបាល់ទាត់ហ្វីលីពីន Mariano Araneta, Jr និងលោកអគ្គលេខាធិការAtty. Edwin Gastanes បានអបអរសាទរដល់កីឡាការិនី Quinley Quezada ដែលមានឈ្មោះទៅលេងនៅប្រទេសជប៉ុននេះ។
កីឡាការិនីវ័យ២៤ឆ្នាំរូបនេះ ធ្លាប់ជាយុវជនថ្នាលនៅក្លិប FC Golden State ចន្លោះឆ្នាំ២០១០-១២ ហើយចូលរួមក្រុម Rosemead H.S និងក្រុម LA Premier FC ចន្លោះឆ្នាំ២០១២-១៥។ ចាប់ពីឆ្នាំ២០១៥-១៨ នាងបានចុះកុងត្រាកីឡាការិនីអាជីព នៅក្រុម UC Riverside Highlanders ក្នុងពានរង្វាន់ NCAA Division I នៅសហរដ្ឋអាមេរិក ព្រមទាំងបង្ហាញខ្លួនបាន៦៣លើក រកបានគ្រាប់បាល់បាន៩គ្រាប់។ នៅឆ្នាំ២០២០ នាងបានផ្ទេរទៅក្លិប Xinbei Hangyuan នៅលីគកំពូលនារីកោះតៃវ៉ាន់។
ចំណែកក្រុមជម្រើសជាតិហ្វីលីពីន វិញកីឡាការិនី Quinley Quezada បានចូលរួមតាំងពីឆ្នាំ២០១៨ ហើយបង្ហាញខ្លួនបាន១៨លើក និងរកគ្រាប់បាល់បាន៩គ្រាប់ផងដែរ។
ពានរង្វាន់ Women Empowerment League ទើបតែប្តូរឈ្មោះពីពាន Nadeshiko League ដោយមានសមាជិកចូលរួមចំនួន១១ក្រុម ហើយក្រុមជើងឯកនឹងមានឈ្មោះចេញទៅចូលរួមប្រកួតក្នុងពានរង្វាន់កម្រិតទ្វីបអាស៊ី AFC Women’s Club Championship ទៀតផង៕
