ខេត្តព្រះសីហនុ៖ កាលពីវេលាម៉ោងជាង៧យប់ ថ្ងៃ២២ មិថុនា ២០២១ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងរថយន្ត បណ្តាលឲ្យមនុស្សម្នាក់ស្លាប់ បច្ចុប្បន្នសាកសពរក្សាទុកនៅមន្ទីរពេទ្យបង្អែកខេត្ត។
នគរបាលឲ្យដឹងថា ជនរងគ្រោះជិះម៉ូតូ HONDA AREBLADE ពណ៌ ខ្មៅ-ក្រហម គ្មានផ្លាកលេខ (មិនទាន់ស្គាល់អត្តសញ្ញាណ) អាយុ ប្រហែលជាង២០ឆ្នាំ ។
សមត្ថកិច្ចបានបញ្ជាក់ប្រាប់ SNTV ថា ជនរងគ្រោះជិះម៉ូតូ បញ្ច្រាសទិស ពីឃ្លាំងលើឆ្ពោះទៅ រោងចក្រញូស្តារ ដោយបើកបរអែបជាមួយរបាំងកណ្តាលទ្រូងផ្លូវ ហើយបានបុកចំពីមុខរថយន្ត ០១គ្រឿងម៉ាក HYUNDAI Strarix ពណ៌ ទឹកប្រាក់ ពាក់ផ្លាកលេខភ្នំពេញ2AZ-5287។
សមត្ថកិច្ចបានបន្ដថា អ្នកបើកបរឈ្មោះ FAN DALI ភេទ ប្រុស ឆ្នាំកំណើត ១៩៨៣ ជនជាតិ ចិន ស្នាក់នៅភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានទិសដៅផ្ទុយគ្នា ៕
អត្ថបទ៖ ភ្នាក់ងារខេត្តព្រះសីហនុ