តារាសម្ដែងមានឈ្មោះបោះសំឡេង និងធ្លាប់បានទទួលពានរង្វាន់ Model នៅប្រទេសកូរ៉េខាងត្បូង លោក យិត មាសឧស្សហ៍ ហៅ អេដវីន (ឈ្មោះសិល្បៈ) ត្រូវបានសមត្ថកិច្ចចាប់បញ្ជូនខ្លួនទៅតុលាការកាលពីថ្ងៃទី២២ ខែមិថុនា ម្សិលមិញនេះលើករណីប្រើហិង្សាលើដៃគូអ្នកនាង សុទ្ធ បញ្ចកា។
សូមចុចអាន តើ អេដវីន ត្រូវបានតុលាការសម្រេចចោទប្រកាន់ពីបទអ្វី?
ក្រោយចាប់ខ្លួនបញ្ជូនទៅតុលាការលោក អេដវីន ត្រូវបានតុលការសម្រេចចោទប្រកាន់ពីបទអំពើហិង្សាប្រព្រឹត្តដោយសហព័ន្ធ ឬអនីតិសង្វាសជន ដែលមានចែងក្នុងមាត្រា ២២២ នៃក្រមព្រហ្មទណ្ឌ។
នៅថ្ងៃទី២៣ ខែមិថុនា នេះ យោងតាមអ្នកនាំពាក្យអយ្យការអមសាលាដំបូងរាជធានីភ្នំពេញ លោក ប្លង់ សុផល បានឱ្យដឹងថា ករណីហិង្សាដែលបង្កឡើងដោយលោក អេដវីន ទៅលើដៃគូអ្នកនាង សុទ្ធ បញ្ចកា ត្រូវបានតុលាការបើកការស៊ើបសួរពីបទ ហិង្សាដោយអនីតិសង្វាសជន និង ធ្វើឱ្យខូចខាតដោយចេតនា។
គួរដឹងថា មាត្រា ២២២ នៃក្រមព្រហ្មទណ្ឌ បទល្មើសហិង្សាប្រព្រឹត្តដោយសហព័ទ្ធ ឬអនីតសង្វាសជន៖ អំពើហិង្សាប្រព្រឹត្តដោយចេតនា ត្រូវផ្ដន្ទាទោសជាប់ពន្ធនាគារពី ២(ពីរ) ឆ្នាំ ទៅ ៥(ប្រាំ) ឆ្នាំ និង ពិន័យជាប្រាក់ពី ៤០០០០០០(បួនលាន) រៀល ទៅ ១០០០០០០០(ដប់លាន) កាលបើអំពើហិង្សានេះ ត្រូវបានប្រព្រឹត្តដោយសហព័ទ្ធឬដោយ អនីតិសង្វាសជនរបស់ជនរងគ្រោះ។
