តារាសម្ដែងល្បីលោក យិត មាសឧស្សាហ៍ ឬឈ្មោះនៅក្នុងសង្គមសិល្បៈហៅថា អេដវីន ត្រូវបានសមត្ថកិច្ចចាប់បញ្ជូនទៅតុលាការហើយ ក្រោយបានប្រើហិង្សាទៅលើ អ្នកនាង សុទ្ធ បញ្ចកា ដែលជាភរិយាមិនទាន់បានរៀបការនាពេលកន្លងទៅ។
សូមចុចអាន បកអាក្រាតខ្ទេច សុទ្ធ បញ្ចកា ភរិយា អេដវីន បង្ហោះសារឈឺចាប់ និងស្នាមរបួស!
នៅថ្ងៃទី២២ ខែមិថុនា ឆ្នាំ ២០២១ នេះ កម្លាំងសមត្ថកិច្ចកងរាជអាវុធហត្ថរាជធានីភ្នំពេញ បានធ្វើការចាប់បញ្ជូនខ្លួនជនសង្ស័យម្នាក់ បញ្ជូនទៅអយ្យការ អមសាលាដំបូងរាជធានី ភ្នំពេញ ដើម្បីធ្វើការសាកសួរពាក់ព័ន្ធនឹងករណីប្រើហិង្សាទៅលើគូស្នេហ៍។
ជនសង្ស័យដែលកងកម្លាំងមានសមត្ថកិច្ចបានចាប់បញ្ជូនខ្លួនលើករណីបានប្រើហិង្សាលើគូស្នហ៍នោះ គឺជាតារាសម្ដែងមួយរូបដែលមានឈ្មោះបោះសំឡេង និងជាប្រុសស្អាតធ្លាប់ទទួលបានពានរង្វាន់ MODEL នៅក្នុងកម្មវិធី Asia Model Star Award 2018 នាប្រទេសកូរ៉េ។
សូមចុចអាន សុទ្ធ បញ្ចកា ដេកព្យួរសារ៉ូម ស្នាមរបួសឡើងជាំខ្មៅ តែអេដវីន បែរជាបាត់ស្រមោលពីបណ្ដាញសង្គម!
សូមរំលឹកឡើងវិញថា ករណីអំពើហិង្សាវាយដំរាងកាយទៅលើភរិយាមិនទាន់រៀបការពីសំណាក់តារាសម្ដែងល្បី លោកអេដវីន វ័យ ២៧ឆ្នាំ ទៅលើអ្នកមេម៉ាយកូនពីរ អ្នកនាង សុទ្ធ បញ្ចកា បានល្បីល្បាញនិងទាញបានការចាប់អារម្មណ៍ខ្លាំងពីមជ្ឈដ្ឋានមហាជន ជាពិសេសគឺកក្រើកលើបណ្ដាញសង្គមនាថ្ងៃទី១៥ ខែមិថុនា ឆ្នាំ ២០២១ ក្រោយភាគីខាងស្រីបាន ផុសរូបស្នាមរបួសជាច្រើនកន្លែងលើរាងកាយ អមជាមួយនឹងសំណេររៀបរាប់ការឈឺចាប់ដែល អ្នកនាង ទទួលរងពីភាគីគូស្នេហ៍លោក អេដវីន។ ប៉ុន្តែក្នុងនោះភាគី លោក អេដវីន ក៏បានចូលមកចោទប្រកាន់អ្នកនាងវិញដែរ ពីបទលួចលាក់បង្កើតស្នេហ៍ជាមួយនឹងបុរសថ្មី។
កាលពីថ្ងៃទី១៧ ខែ មិថុនា លោក ស៊ាន បរិសុទ្ធ លោកឪពុករបស់អ្នកនាង សុទ្ធ បញ្ចកា ក៏ធ្លាប់បានចេញមកសុំយោបល់និងស្រែកទាមទារឱ្យមានជួយរកយុត្តិធម៌ជូនកូនស្រីបណ្ដូលចិត្តរបស់ខ្លួនតាមរយៈបណ្ដាញសង្គមផងដែរ។
«ខ្ញុំបាទសូមគោរពឯកឧត្តមលោកជំទាវ និង មហាមិត្ត ខ្ញុំមានកិត្តិយសសូមឱ្យអស់លោកជួយផ្ដល់អនុសាសន៍ផ្នែកផ្លូវច្បាប់ ពិសេសមហាមិត្តដែលជាអតីតធ្លាប់ធ្វើការក្នុង NGO ឆាតូ, CWCC, មិត្តសម្លាញ់/Friends… ដែលពាក់ព័ន្ធ និង ប្រព័ន្ធការពារ និងទប់ស្កាត់អំពើហិង្សាក្នុងគ្រួសារ មេត្តាជួយវែកញែក និងផ្ដល់អនុសាសន៍ដល់ខ្ញុំបាទ គួរមានវិធានការបែបណា ចំពោះបុគ្គលម្នាក់នេះ ដែលបានប្រើអំពើហិង្សាវាយធ្វើបាបយ៉ាងឃោរឃៅមកលើកូនស្រីខ្ញុំបាទដោយចេតនា និង បំផ្លាញទ្រព្យសម្បត្តិ ដែលទឹកចិត្តឪពុកមួយនេះមិនអាច អហោសិកម្ម ឬលើកលែងដាច់ខាតចំពោះទង្វើអមនុស្សធម៌បែបនេះ។»
ថែមទាំងរឿងទំនាស់នេះបានធ្លាយ សាយភាយរហូតដល់ កញ្ញា រ៉ូស ដែលជាអ្នកមានឈ្មោះល្បីបង្គួរលើបណ្ដាញសង្គមដែរនោះថា លួចលាក់ហូបចុកគ្នាជាមួយនឹងលោក អេដវីន នៅក្រោយខ្នងអ្នកនាង សុទ្ធ បញ្ចកា តែក្រោយមកភាគី កញ្ញា រ៉ូស បានចេញមកបដិសេធភាពស្អាតស្អំ របស់ខ្លួន ទោះជាអ្នកនាង សុទ្ធ បញ្ចកា បន្តចោទប្រកាន់ជាហូរហែទៀតក្ដី។
សូមចុចអាន អុញ! រ៉ូស បដិសេធ ថាមានគេយក Account ក្លែងក្លាយ មកចោទខ្លួនថាបានស៊ីចុក អេដវីន
សូមបញ្ជាក់ឱ្យដឹងផងដែរថា បច្ចុប្បន្នជនសង្ស័យខាងលើកំពុងស្ថិតនៅក្នុងចំណាត់ការរបស់តំណាងអយ្យការអមសាលាដំបូងរាជធានីភ្នំពេញ៕