កាលពីល្ងាចថ្ងៃទី២៤ ខែមករា ក្លិបបាល់ទាត់ណាហ្គាវើលដ៍ ប្រកាសសម្រេចបន្តកិច្ចសន្យាបន្ថែមទៀត ជាមួយកីឡាករ គួច សុកុម្ភ: បន្ទាប់ពីចូលរួមជាមួយក្លិបចាប់តាំងពីឆ្នាំ២០១៥។
ខ្សែបម្រើរូបនេះ បានចាប់ផ្ដើមអាជីពជាកីឡាករបាល់ទាត់ដោយជាប់ជាជម្រើសយុវជនលេងឲ្យក្រសួងការពារជាតិនៅ២០០៣-២០០៤ និងបានផ្លាស់ទៅលេងនៅក្លិបខេមរាកីឡា ក្នុងក្របខ័ណ្ឌលីគកំពូលកម្ពុជាឆ្នាំ២០០៥ ដល់ឆ្នាំ២០១០។
កីឡាករវ័យ៣៦ឆ្នាំរូបនេះ បានផ្លាស់ទៅលេងឲ្យក្លិបភ្នំពេញក្រោន នៅឆ្នាំ២០១០ រហូតដល់ឆ្នាំ២០១៥ និងបានចូលរួមជាមួយក្លិបបាល់ទាត់ណាហ្គាវើលដ៍ រហូតដល់បច្ចុប្បន្ន។ កីឡាករ គួច សុកុម្ភ: ធ្លាប់ជាម្ចាស់ស្បែកជើងមាស Golden Boots ក្នុងពានរង្វាន់ ហ៊ុន សែនខាប់ នៅឆ្នាំ២០០៧, ២០០៩ និង២០១០៕
