អស្ចារ្យណាស់! សមាជិក BTS កំលោះមុខស្អាត V និង LISA កញ្ញាសក់សេះពីក្រុម BLACKPINK កំពុងតែក្ដោបតំណែងជាបុគ្គលមានប្រជាប្រិយភាពបំផុតនៅក្នុងពិភពលោក។
ARMY និង BLINKs កំពុងតែរីករាយយ៉ាងខ្លាំងព្រោះទស្សនាវដ្ដីអង់គ្លេស បានបោះឆ្នោតឱ្យ V ជាបុរសមានប្រជាប្រិយភាព ចំណែក LISA គឺជាកំពូលតារាផ្នែកនារី ដោយថ្មីៗនេះ ទស្សនាវដ្ដី Nubia បានចេញនូវចំណងជើងអត្ថបទមួយមានឈ្មោះថា កំពូលតារា K-pop ១០រូប ដែលល្បីល្បាញបំផុតទូទាំងសកលលោក។
ទស្សនាខាងលើនេះបានធ្វើការប្រមូលទិន្នន័យជាង៧០ Platform ល្បីនិងពេញនិយម បូកផ្សំជាមួយនឹងទិន្នន័យពី Google Trend និង Google News។ មិនត្រឹមតែរបាយការណ៍តាមអ៊ិនធឺណិតប៉ុណ្ណោះទេ តែទស្សនាវដ្ដីមួយនេះបានឱ្យតំណាងរបស់គេចុះតាមទីសាធារណៈដើម្បីសួរមនុស្សនៅទូទាំងពិភពលោក ដើម្បីសាកសួររកតារាកូរ៉េដែលពួកគេស្គាល់និង ពេញនិយមបំផុតក្នុងចំណោម K-Idol។
យោងតាមការផ្សព្វផ្សាយខាងលើ V តារាចម្រៀងប្រចាំ BTS និងជាងតារាសម្ដែងមួយរូបដែរនោះមានអ្នកគាំទ្រនៅក្នុងទ្វីបទាំង៧ ធ្វើឱ្យកំលោះសង្ហាម្នាក់នេះក្លាយជាបុគ្គលមានប្រជាប្រិយភាពបំផុតក្នុងប្រវត្តិសាស្ត្រ K-POP។ ខណៈដែលមានលេចឮដំណឺងទៀតថាការផុស ឬ Tweet ពាក់ព័ន្ធនឹង V ពេលខ្លះត្រូវបានបិទដើម្បីការពារការគាំងដោយសារតែមានការផុស Trends ច្រើនលើសលប់។
ចំណែក LISA ស្ថិតក្នុងចំណាត់ថ្នាក់លេខ៣ នៅក្នុងបញ្ជីឈ្មោះ តែក្ដោបតំណែងជាតារាស្រីដែលមានលំដាប់ខ្ពស់បំផុតក្នុងពិភពលោកវិញ។ តារាចម្រៀងរ៉េប និងជាអ្នកជំនាញរាំដ៏ស្ទាត់ជាប់ឈ្មោះជាក្រុមផង និងជាប់ឈ្មោះទោលផង។ យោងតាមសារព័ត៌មានចេញផ្សាយថ្មីៗនេះ LISA កំពុងតែជំរុញយ៉ាងខ្លាំងដើម្បីចេញអាល់ទោលរបស់ខ្លួន ទោះជាមិនទាន់មានសេចក្ដីប្រកាសជាផ្លូវការណាមួយក្ដី តែតាមការលេចឮតារាចម្រៀងរូបនេះពិតជាចង់ចេញបទចម្រៀងទោលខ្លួនខ្លាំង ស្មើនឹងចេញបទចម្រៀងជាក្រុមដូចគ្នា។
ក្រៅពី V ដែលឈរលំដាប់លេខមួយ LISA ឈរលំដាប់លេខ៣ សមាជិកក្រុមចម្រៀង BTS ចំនួន ៣ រូបទៀតមាន Jongkook ឈរនៅលំដាប់លេខពីរ ចំណែក Jimin ឈរលំដាប់លេខ៤ ខណៈ J-Hope ឈ្មោះលំដាប់លេខ៦បន្តបន្ទាប់គ្នា។
ផ្ទុយគ្នាស្រឡះពី BTS ដែលមានត្រឹមតែ៤ នាក់ជាប់ក្នុងបញ្ជីបុគ្គលមានប្រជាប្រិយភាពបំផុតក្នុងលោក មួយក្រុម BLACKPINK បានជាប់ទាំងអស់ដោយ Jisoo ជាប់លំដាប់លេខ៥ Jennie លំដាប់ទី៧ និងចុងក្រោយ Rose ជាប់លំដាប់ទី៩។
ក្រៅពីក្រុមល្បីទាំងពីរខាងលើ Baekhyun មកពីក្រុម EXO ឈរលេខរៀងទី៨ ចំណែក Cha Eun Woo មកពីក្រុម ASTRO ឈរលំដាប់ចុងក្រោយគេលេខ១០៕