ដើម្បីត្រៀមខ្លួនដល់ក្រុមជម្រើសជាតិហ្វូតសាលថៃ ចេញទៅប្រកួតជើងឯកពិភពលោក 2024 FIFA Futsal World Cup សហព័ន្ធកីឡាបាល់ទាត់ថៃ បានប្រកាសរៀបចំព្រឹត្តិការបាល់ទាត់កម្រិតអន្តរជាតិមួយឈ្មោះថា NSDF Futsal Championship ឆ្នាំ២០២៣ នៅទីក្រុងប៉ាតាយ៉ា។
តាមផែនការមានក្រុមចូលរួមចំនួន៦ ប៉ុន្តែបច្ចុប្បន្នមានតែ៤ក្រុមប៉ុណ្ណោះគឺ ម្ចាស់ផ្ទះថៃ, ជប៉ុន, អ៊ីរ៉ង់, អារ៉ាប៊ីសាអូឌីត ខណ:សហព័ន្ធកីឡាបាល់ទាត់ថៃ កំពុងអញ្ជើញ៣ក្រុមបន្ថែមទៀតមានដូចជា៖ បូលីវី, ម៉ូសំប៊ិក និងកូស្តារីកា។
ចំពោះពានរង្វាន់ហ្វូតសាលអន្តរជាតិ NSDF Futsal Championship ២០២៣ នឹងចាប់ផ្តើមពីថ្ងៃទី១ ដល់ថ្ងៃទី៧ ខែមីនា នៅទីក្រុងប៉ាតាយ៉ា ប្រទេសថៃ។
Futsal World Ranking៖
ថៃ លេខ២៤ លើពិភពលោក
អ៊ីរ៉ង់ លេខ៧ លើពិភពលោក
ជប៉ុន លេខ១៣ លើពិភពលោក
អារ៉ាប៊ីសាអូឌីត លេខ៦៥ លើពិភពលោក។
ថៃ ជាក្រុមមួយក្នុងចំណោម៥ប្រទេស តំណាងឱ្យទ្វីបអាស៊ី ដែលបានទៅចូលរួមប្រកួតក្នុងពានរង្វាន់ហ្វូតសាលជើងឯកពិភពលោក FIFA Futsal World Cup 2021 នៅប្រទេសលីទុយអានី ក្នុងទ្វីបអឺរ៉ុប ជាមួយ ជប៉ុន អ៊ីរ៉ង់ អ៊ូបេគីស្ថាន និងវៀតណាម ខណ: FIFA Futsal World Cup 2024 ខាងមុខមិនរកឃើញនៅឡើយទេ៕