ពិធីការិនី និង ជាតារាសម្ដែងមួយរូបផងនោះ កញ្ញា ណូម័រ បានបង្ហើបវិធីដែលកញ្ញា អនុវត្ត រាល់ថ្ងៃដើម្បីរក្សារាងឱ្យនៅតែតូចស្អាត ប៉ុន្តែកញ្ញាបញ្ជាក់ដែរថា ក្នុងមួយថ្ងៃត្រូវចំណាយពេលយ៉ាងតិចមួយម៉ោងកន្លះ។
សូមចុចអាន តួឯកកាច កុសម៉ា ភីរ៉ាផា ប្រាប់គន្លឹះថែរាងតូចច្រឡឹងស្អាត មិនបាច់ញ៉ាំថ្នាំសម្រក!
យោងតាមរយៈហ្វេសប៊ុករបស់ កញ្ញា ណូម័រ បានបង្ហោះចែករំលែកវិធីសាស្ត្រថែរាង កាលពីថ្ងៃ ព្រហស្បតិ៍ទី ២៤ ខែមិថុនា ឆ្នាំ២០២១ ម្សិលមិញនេះ បានឱ្យដឹងថា កញ្ញា ណូម័រ ចំណាយ ពេល ៣០នាទី ទៅលើការរត់ ១៥នាទី ទៅលើការរំញ័រចង្កេះ ព្រឹកម្ដងយប់ម្ដង ក្នុងមួយថ្ងៃកញ្ញា ប្រើពេលវេលាហាត់ប្រាណមួយម៉ោងកន្លះ (១h៣០mn)។
ស្រីស្អាតមានបទពិសោធយូរឆ្នាំក្នុងរង្វង់សិល្បៈរូបនេះក៏បានបញ្ជាក់ដែរថា កញ្ញាលែងឆ្ងល់ទៀតហើយ ហេតុអ្វីបានជាមនុស្សស្អាតត្រូវបានគេឱ្យតម្លៃ ព្រោះភាពស្អាត ពិតជាលំបាកធ្វើខ្លាំងណាស់ ហើយបើមានអ្នកសួរកញ្ញាថា បើចង់ឱ្យមានរូបរាងស្អាតត្រូវធ្វើអ្វីខ្លះនោះ កញ្ញានឹងឆ្លើយភ្លាមថា «គ្រាន់តែដកភាពខ្ជិលពីក្នុងខ្លួនចេញទៅ នោះភាពស្អាតនិងមករកអ្នកដោយឯកឯងហើយ»
សម្រាប់មិត្តនារីដែលចង់បានភាពស្រស់ស្អាត រាងតូចត្រគាកមូលខ្លុំ ដូចជាកញ្ញា ណូម័រ អាចយកវិធីសាស្ត្រដែលកញ្ញាអនុវត្តខាងលើទៅធ្វើតាមបាន៕
