មួយរយៈចុងក្រោយនេះ អ្នករកស៊ីជាមួយនឹងហ្វេសប៊ុកកំពុងជួបបញ្ហាបាត់ Reach បាត់ Like បាត់ Share និង បាត់ Comment មិនខុសពីអ្នកជួបបញ្ហាខាងលើលោក សេង មង្គល តារាសម្ដែងរូបសង្ហាដ៏ល្បីបានផុសត្អូញត្អែរ តាមរយៈផេករបស់ខ្លួនថាលោកស្ដាយ ព្រោះមួយរយៈចុងក្រោយនេះអ្នកគាំទ្រ លោកមិនបានឃើញអ្វីដែលលោកបង្ហោះសោះ។
កាលពីមួយម៉ោងមុននេះ ពោលគឺនៅថ្ងៃទី ២៥ ខែមិថុនា ឆ្នាំ២០២១ នេះ លោក សេង មង្គល ដែលបានប្រើប្រាស់ហ្វេសប៊ុកផេកជាភាសាអង់គ្លេស Mongkul Seng Real ដើម្បីប្រាស្រ័យទាក់ទងជាមួយនឹងអ្នកគាំទ្រ ក៏ដូចជាចែករំលែកព័ត៌មានផ្សេងៗពាក់ព័ន្ធនឹងសមិទ្ធិផលការងារថ្មីៗរបស់លោក ដល់ហ្វេនៗ បានចេញមកបង្ហោះ Status បង្ហាញការត្អូញត្អែរ និង ស្ដាយដែលមួយរយៈចុងក្រោយនេះ ហ្វេសប៊ុក មានបញ្ហារអាក់រអួល ធ្វើឱ្យអ្វីដែលលោកចែករំលែកលើបណ្ដាញសង្គមមួយនេះ ហាក់មិនត្រូវបានអ្នកគាំទ្រមើលឃើញច្រើនដូចកាលពីលើកមុន។
«ស្តាយចំនួនអ្នក Like Share និង Cmt ក្នុងហ្វេសប៊ុកហ្វេនផេករបស់ខ្ញុំពេលដែលហ្វេសប៊ុកមិនទាន់ធ្វើសុី… មិនដឹងធ្វើយ៉ាងណាអោយបងប្អូនបានឃើញច្រើនដូចមុនទេ»។
បញ្ហា Facebook បាត់ Reach បាត់ Like បាត់ Share និង បាត់ Comment នេះគឺជាបញ្ហាមួយដែលអ្នកលេងបណ្ដាញសង្គម ពិសេសអ្នកដែលធ្វើ Business ពឹងផ្នែកលើ Platform មួយនេះកំពុងជួបប្រទះ ហើយកំពុងតែរកវិធីដោះស្រាយ និងរង់ចាំមើលតើបណ្ដាញសង្គមដ៏ធំមួយនេះនឹងមានការដោះស្រាយល្អមួយសម្រាប់អ្នកប្រើប្រាស់ដែរឬក៏យ៉ាងណា?
