កីឡាករ Takumu Nishihara គឺជាកីឡាករសញ្ជាតិជប៉ុនតែម្នាក់ដំបូងគេ ដែលអាចស៊ុតបញ្ចូលទីបាន ១គ្រាប់ឲ្យវិសាខា ក្នុងជំនួបឈ្នះព្រៃវែង លទ្ធផល ២-១ នៅកីឡដ្ឋាន AIA Stadium, KMH Park កាលពីថ្ងៃទី១១ ខែកុម្ភ; ឆ្នាំ២០២៣ ក្នុងការប្រកួតពានរង្វាន់ Cambodian League Cup 2023 សប្ដាហ៍ទី១ ។
ក្នុងការប្រកួតបើកឆាកនេះ ក៏ជាការបង្ហាញខ្លួនជាផ្លូវការលើកដំបូងបន្ទាប់ពីចាក់ចេញពី កងយោធពលខេមរភូមិន្ទ Tiffy Army FC មកចុះកិច្ចសន្យាជាមួយវិសាខាសម្រាប់រដូវកាលថ្មី។ បច្ចុប្បន្នខ្សែប្រយុទ្ធសញ្ជាតិជប៉ុន វ័យ៣០ឆ្នាំរូបនេះ កំពុងបង្ហាញទម្រងលេងបានយ៉ាងល្អសម្រាប់ការប្រកួតពានរង្វាន់ Cambodian League Cup 2023។
ជាមួយនឹងរកបានជ័យជម្នះអោយវិសាខា ក្នុងប្រកួតបើកឆាកនេះផងដែរ កីឡាករ Takumu Nishihara ក៏ត្រូវបានវាយតម្លៃអោយឈ្នះងារជាកីឡាករល្អប្រចាំការប្រកួត (Man Of The Match ឬ MOTM) ទៀតផង។
ឆ្លងកាត់ការប្រកួតសប្ដាហ៍ទី១ ពានរង្វាន់ Cambodian League Cup 2023 លទ្ធផលពូល A ថ្ងៃទី១១ ខែកុម្ភ: ឆ្នាំ២០២៣៖
- វិសាខ ២-១ ព្រៃវែង នៅកីឡដ្ឋាន AIA Stadium, KMH Park
- គិរីវង់សុខសែនជ័យ ២-០ កោះកុង នៅកីឡដ្ឋាន គិរីវង់
- សមាគមបាល់ទាត់ ខ.ភ.ម ៤-០ អគ្គិសនីកម្ពុជា នៅកីឡដ្ឋាន ខ.ភ.ម
ឆ្លងកាត់ការប្រកួតសប្ដាហ៍ទី១លទ្ធផលពូល B ថ្ងៃទី១២ ខែកុម្ភ: ឆ្នាំ២០២៣៖
- អង្គរថាយហ្គឺរ ២-៤ អាយ អេស អាយ សង្កោសែនជ័យ កីឡដ្ឋាន ហនុមាន
- ភ្នំពេញក្រោន ៣-០ សូលទីឡូអង្គរ កីឡដ្ឋាន ស្មាត អ អេស អិន
- ណាហ្គាវើលដ៏ ២-០ នគរបាលជាតិ នៅកីឡដ្ឋាន ខេត្តកំពង់ស្ពឺ៕
