សិល្បៈអន្តរជាតិ៖ តារាសម្ដែងហុងកុង លាង ឆាវវៃ ទើបតែលើកឡើងថ្មីៗនេះថារយៈពេលជាង៤០ឆ្នាំកន្លងមកនេះ ចូវ សិងឈឺ ធ្លាប់ទាំងជាមិត្តអាក្រក់ផង និងជាមិត្តល្អផង។
ជាទូទៅលាង ឆាវវៃ មិនសូវនិយាយដល់ ចូវ សិងឈឺនោះឡើយ ប៉ុន្តែនៅក្នុងកម្មវិធីខួបគម្រប់៤០ឆ្នាំដែលផ្សាយនៅលើ Douyin តារាសម្ដែងវ័យ៦០ឆ្នាំបានបង្ហើបថាលោកមិនចាំនោះទេថាអ្នកទាំងពីរចាប់ផ្ដើមស្គាល់គ្នា និងពេលណាអ្នកទាំងពីរចាប់ផ្ដើមស្និទ្ធស្នាល។
លាង ឆាវវៃបាននិយាយថា៖ ចូវ សិងឈឺគឺជាមិត្តអាក្រក់ផងនិងជាមិត្តល្អបំផុតផងរបស់ខ្ញុំ»។ អ្នកទាំងពីរនេះមិនធ្លាប់មានឱកាសបានសម្ដែងជាមួយគ្នានោះទេ ប៉ុន្តែទិនហ្វីធ្លាប់បបួលលាងឆាវវៃថតភាពយន្តខ្លីឱ្យខ្លួន។នៅក្នុងរឿងខ្លីនោះលាងឆាវវៃសម្ដែងជាតួអង្គចិត្តអាក្រក់ដែលត្រូវទិនហ្វីបង្ក្រាប។ យ៉ាងណាមិញនៅពេលដែល លាង ឆាវវៃ សួរទិនហ្វីពីវីដេអូរឿងខ្លីនោះ ទិនហ្វីឆ្លើយថាគាត់មិនដឹងនោះទេ។ ត្រង់ចំណុចនេះលាងឆាវវៃសន្និដ្ឋានថាចូវ សិងឈឺប្រហែលជាយកវីដេអូដែលខ្លួនផលិតនោះទៅលាក់ទុក។
នៅក្នុងកម្មវិធីដដែលនោះលាង ឆាវវៃបានច្រានចោលពាក្យចចាមអារ៉ាមថាលោកនិងចូវ សិងឈឺមានទំនាស់នឹងគ្នាផងដែរ។ ចំពោះឈ្មោះមិត្តអាក្រក់ដែល ចូវ សិងឈឺទទួលបាននោះកើតឡើងដោយសារតែម្ដាយរបស់លាង ឆាវវៃ។ លោកស្រីគិតថាទិនហ្វីជាមិត្តអាក្រក់ព្រោះកូនប្រុសលោកស្រីអាចនឹងអស់អនាគតព្រោះតែបោះបង់ការងាររបស់ខ្លួនហើយទៅថតរឿងតាមការបបួលរបស់ទិនហ្វី។
រយៈពេលជាង៤០ឆ្នាំនៅក្នុងសិល្បៈបានសម្ដែងភាពយន្តជាច្រើន និងអាចមានជីវិតរស់នៅតាមអ្វីដែលលោកចង់បានត្រូវអរគុណដល់ទិនហ្វីដែលបើកឱកាសឱ្យលោកអាចបោះជំហានដើរលើវិថីសិល្បៈ៕
ប្រភព៖ vnexpress