សិល្បៈជាតិ៖ កាលពីថ្ងៃទី១៩ ខែកុម្ភៈ តារាចម្រៀង ខេម បានចេញមកប្រលយសម្ដីនិងរូបថតថាខ្លួននិងតារាចម្រៀងរៀមច្បងដែលទើបតែចូលមករួមរស់ក្រោមដំបូលផលិតកម្ម កាឡាក់ស៊ី ណាវ៉ាត្រា ជាមួយគ្នាគឺឧកញ៉ា ខេមរៈ សិរីមន្ត ជិតមានបទចម្រៀងរួមគ្នាឆាប់ៗនេះ។ ប៉ុន្តែហ្វេនៗហាក់មិនគិតត្រេកត្រអាលរឿងច្រៀងរួមគ្នារបស់តារាទាំងពីរដួងនេះឡើយ ដោយភាគច្រើនហ្វេនៗបែរជាលើករឿងផ្សេងទៅវិញ។
ខេម បានបង្ហោះសំណេរនិងរូបថតរបស់ខ្លួនជាមួយនឹងតារាចម្រៀងរៀមច្បងថា៖ «ពិភាក្សាខេម (បងប្រុសយើងគួរមានបទរួមគ្នាមួយបទជូនហ្វេនបង) បងមន្ត(បងគិតចឹងដែរតើ នេះបងមានចំរៀងមួយបទចង់អោយប្អូន(ស្តាប់)ខេម (បាទបង) ឆាប់ៗនេះ»។
ក្រៅពីអ្នកគាំទ្រដែលរំភើបរីករាយព្រោះបានឃើញតារាចម្រៀងដែលខ្លួនពេញចិត្តទាំងពីរដួងត្រៀមមានបទចម្រៀងច្រៀងរួមគ្នាហើយនោះក៏មានអ្នកដែលនិយាយលេងសើចដាក់ខេម និងមានអ្នកខ្លះយករូបភាពលោកនិងឧកញ៉ា ខេមរៈ សិរីមន្ត ទៅធ្វើជារូបភាពត្រូលផ្សេងៗ ដូចជា៖ «បង ខ្ចី១០ដុល្លារសិន ស្អែកសង» និង «ស្អែកគង់តែមានលុយសងដដែល ស្អែកចាំចាយ»។
យ៉ាងណាមិញអ្នកគាំទ្រជាច្រើនកំពុងតែរង់ចាំមើលថាតើបទចម្រៀងថ្មីរបស់កំពូលតារាចម្រៀងពីរដួងនេះជាបទចម្រៀងបែបណា អាចជាបទត្រៀមចូលឆ្នាំប្រពៃណីខ្មែ ឬជាបទមនោសញ្ចេតនា ឬក៏ជាបទញាក់កន្ត្រាក់អារម្មណ៍?