នៅថ្ងៃទី៣០ ខែមិថុនា ឆ្នាំ២០២១ តារាចម្រៀងប្រចាំផលិតកម្ម ហង្សមាស និង រស្មីហង្សមាស កញ្ញា យូរី កាលពីកន្លះម៉ោងមុននេះបានបង្ហោះឱ្យដឹងថាកញ្ញា បានបាត់បង់ មនុស្សជាទីស្រលាញ់ស្មើបេះដូង។
យោងតាមការបង្ហោះរបស់ កញ្ញា យូរី តារាចម្រៀងរូបនេះ បានបញ្ជាក់នៅក្នុងសំណេររបស់ខ្លួនថា អ្នកម្ដាយជាទីស្រលាញ់ស្មើបេះដូងបានបានទទួលមរណភាពហើយដោយសារតែជំងឺ ទឹកនោមផ្អែម និង ជំងឺលើសឈាម។ ប៉ុន្តែកញ្ញា ក៏បានបង្ហាញពីការរឹងមាំ និងសន្យាមើលថែលោកឪពុករបស់កញ្ញាឱ្យបានល្អ និងសូមឱ្យដួងវិញ្ញាណក្ខន្ធអ្នកម្ដាយរបស់កញ្ញា សំរាកនិងសំរាន្តឱ្យបានស្ងប់សុខចុះ។
«ម៉ាក់ ហា….ម៉ាក់សំរាន្តអោយសុខស្រួលណាម៉ាក់ណា កូនស្រលាញ់ម៉ាក់ខ្លាំងណាស់ កុំបារម្មណ៍. កូននឹងមើលថែប៉ាអោយបានល្អ កូនធ្វើចិត្តសឹងមិនបានទេ លឿនពេកហើយនាងខ្ញុំសូមអភ័យទោសដល់ម្ចាស់កម្មវិធីដែលខ្ញុំបានលុបចោលភ្លាមៗក្នុងពេលអ្នកម៉ាក់របស់ខ្ញុំបានទទួលមរណៈភាពហើយដោយជំងឺ ទឹកនោមផ្អែម នឹង រោគលើសឈាមសូមអភ័យទោស»
ក្នុងនោះកញ្ញាក៏បានធ្វើការសុំទោសចំពោះម្ចាស់កម្មវិធី ក៏ដូចជាស្ពន់សឺផ្សេងៗដែលកញ្ញា ចាំបាច់ត្រូវលុបចោលការងារភ្លាម ដោយសារតែកញ្ញាបានជួបទុក្ខ នឹកស្មានមិនដល់ និងឆាប់រហ័សយ៉ាងនេះ។
មិត្តភក្ដិ សាច់ញាតិ និង អ្នកគាំទ្របានចូលមករំលែកទុក្ខចំពោះការបាត់បង់អ្នកម្ដាយដ៏មានគុណនិងជាទីស្រលាញ់របស់កញ្ញា យូរី គ្រប់ៗគ្នាន៕
