សិល្បៈជាតិ៖ ជាការពិតដែលប្រជាជនខ្មែរគឺជាជនជាតិមួយមានសម្បត្តិវប្បធម៌និងអរិយធម៌ដ៏ល្អផូរផង់និងចំណាស់មួយនៅអាស៊ី ជាពិសេសក្បាច់គុនបុរាណខ្មែរដែលដូនតាបានបន្សល់ទុកជាកេរ្តិ៍មរតកក៏ត្រូវបានកូនចៅខ្មែរជំនាន់ក្រោយហ្វឹកហាត់យ៉ាងខ្ជាប់ខ្ជួន ។
រហូតមានពេលខ្លះកូនខ្មែរដែលជាម្ចាស់ក្បាច់គុនថែមទាំងយកក្បាច់គុនរបស់ខ្លួនទៅចែករំលែកនិងបង្ហាត់បង្ហាញ។ តួយ៉ាងដូចជា Dy Sao តារាក្បាច់គុនជាតិខ្មែរសញ្ជាតិអាមេរិកបានយកក្បាច់គុនទៅបង្ហាត់តារាហូលីវូដល្បីៗ ដោយក្នុងនោះមានទាំងតារាម្ចាស់ពានរង្វាន់អូស្កាឆ្នាំ២០២៣នេះថែមទៀតផង។
យោងតាមការចែករំលែករបស់លោក Dy Sao លើបណ្ដាញសង្គមហ្វេសប៊ុកកាលពីពេលថ្មីនេះៗនេះជាមួយនឹងក្រុមអ្នកគាំទ្រខ្លួនថា៖ Everything Everywhere All At Once won 7 Oscars last night! ឬប្រែជាខេមរៈភាសាថា ភាពយន្ត Everything Everywhere All At Once ឈ្នះពានអូស្ការចំនួន៧ យប់នេះ
ខ្ញុំបង្រៀនក្បាច់គុន Ke Huy Quan និង Michelle Yeoh! Congrats to them!!! ឬក៏សូមអបអរចំពោះអ្នកទាំងពីរ។ ខ្ញុំត្រូវសម្តែងនៅក្បែរតារាធំៗទាំងនេះ។ Jamie Lee Curtis! James Hong! Stephanie Hsu! បើមើលកុន អ្នកនឹងឃើញខ្ញុំនៅខាងក្រោយច្រើនដង 
ប្រជាជនរបស់យើងឡើងបន្តិចម្តង បន្តិចម្តង បាទសូមអរគុណ 
»
តាមរយៈអ្វីដែលលោកបានរៀបរាប់ខាងលើនេះបានសបញ្ជាក់យ៉ាងច្បាស់ហើយថាលោកគឺជាបុគ្គលសំខាន់ម្នាក់ដែលជួយបង្ហាត់ក្បាច់គុនដល់តារាល្បីទាំងពីរដួងខាងលើនិងជាអ្នកនៅពៅក្រោយភាពយន្តជោគជ័យដ៏ត្រចាស់ត្រចង់របស់អ្នកទាំងពីរខាងលើនេះ ហើយមិនត្រឹមតែប៉ុណ្ណោះតារាសម្ដែងហូលីវូដដើមកំណើតខ្មែររូបនេះក៏មានឱកាសបង្ហាញវត្តមានក្នុងភាពយន្តខាងលើជាមួយនឹងតារាល្បីៗថែមទៀតផង។
តារាសម្ដែងប្រុស Ke Huy Quan បានក្លាយជាតារាសម្តែងដើមកំណើតវៀតណាមដំបូងគេដែលឈ្នះពានរង្វាន់អូស្ការក្នុងឆ្នាំ ២០២៣ ក្នុងផ្នែកតួសម្តែងរងល្អបំផុត។ លោកបានក្លាយជាតួឯកប្រុសអាស៊ីទី ២ បន្ទាប់ពី លោក ហាំង ង៉ោ នៅក្នុងប្រវត្តិសាស្ត្រនៃពានរង្វាន់របស់អូស្ការ។ លោក Ke Huy Quan ធ្លាប់បានចូលរួមសម្ដែងភាពយន្តក្នុងឧស្សាហកម្មរបស់ហូលីវូដតាំងពីវ័យកុមារមកម្ល៉េះ ដោយសម្ដែងនៅក្នុងរឿង Indiana Jones និង Temple of Doom (1984) រឿង Data in The Goonies (1985) រឿង “Head of the Class” (1991) និងរឿង Encino Man (1992) ផងដែរ។
ចំណែកឯតារាសម្ដែងស្រី Michelle Yeoh បានបង្កើតកំណត់ត្រាប្រវត្តិសាស្ត្រដោយបានដើរជាតួអង្គនាង Evelyn Quan Wang នៅក្នុងខ្សែភាពយន្តឈ្មោះ «Everything Everywhere All At Once»។ ភាពយន្តនេះបានទទួលបានរង្វាន់អូស្ការចំនួន៧ រួមមានទាំងពានរង្វាន់រូបភាពល្អបំផុត (Best Picture) និងពានរង្វាន់តួរងប្រុសល្អបំផុតសម្រាប់លោក Ke Huy Quan ផងដែរ។ លោកស្រីជាតារាភាពយន្តដែលមានដើមកំណើតនៅប្រទេសម៉ាឡេស៊ី និងមានឈាមជ័រសែស្រឡាយចិន។ លោកស្រីជាតារាឯកស្រីអាស៊ីដំបូងគេបង្អស់ដែលទទួលបានពានរង្វាន់អូស្ការផ្នែកតួឯកស្រីល្អបំផុតនៅឆ្នាំ ២០២៣នេះ។
Dy Sao កើតនៅថ្ងៃទី៣ ខែតុលា ឆ្នាំ១៩៧៩ នៅខេត្តបាត់ដំបង។ លោកបានក្លាយជាតួឯកជាលើកដំបូងក្នុងភាពយន្តបែបវាយតប់រឿង «Hanuman: Shadow Master»៕
