បញ្ចេញវីដេអូប្រូម៉ូតខ្លី ឱ្យអ្នកគាំទ្របានទស្សនាហើយសម្រាប់ភាពយន្តលក្ខណៈអន្តរជាតិ បែបរំជួលព្រលឹងថ្មីមួយទៀត «ស្នងរូប» ឬ «The Medium» គឺជាភាពយន្តរន្ធត់កូនកាត់ពីរសញ្ជាតិថៃ-កូរ៉េនេះផលិតរួមគ្នារវាង GDH របស់ថៃ និង SHOWBOX របស់កូរ៉។
ភាពយន្តនេះដឹកនាំដោយជនជាតិថៃ Tong Banjong និងអ្នកដឹកនាំភាពយន្តរំជួលព្រលឹងកូរ៉េ Na Hong Jin មកកាន់តួនាទីជាផលិតករ និង អ្នកគ្រប់គ្រងការងារផលិតភាពយន្តរឿងនេះទាំងមូល។
សម្រាប់វីដេអូផ្សព្វផ្សាយខ្លីដែលកាត់យកចំណុចមួយចំនួនចេញពីរឿង «ស្នងរូប» មកបង្ហាញាបានធ្វើឱ្យអ្នកទស្សនារន្ធត់ផង ខ្លាចផង ភ័យផង ព្រោះរឿងនេះបានផលិតឡើងចេញពីជំនឿចាស់បុរាណក្នុងប្រទេសថៃនិងប្រទេសអាស៊ាន ដែលងាយធ្វើឱ្យអ្នកទស្សនាចូលតួតាមសាច់រឿងបានយ៉ាងឆាប់រហ័ស។
រឿង «The Medium» បរិយាយពីរឿងរ៉ាវសរបស់អ្នកបន្តវេនអ្នកស្នងរូប របស់គ្រួសារមួយនៅខេត្តភាគឥសានរបស់ប្រទេសថៃ ប៉ុន្តែវត្ថុដែលចូលមកស្ថិតក្នុងរូបស្នងរបស់សមាជិកគ្រួសារ អាចនឹងមិនមែន អ្នកតា ទេវតា ឬ អាទិទេព ដូចដែលគ្រប់គ្នាគិត រឿងរ៉ាវដ៏សែនរន្ធត់មួយក៏បានចាប់ផ្ដើមឡើង។
ភាពយន្តខ្នាតធំ «The Medium ឬ ស្នងរូប» នឹងបញ្ចាំងឱ្យអ្នកគាំទ្របានទស្សនានៅខែកក្កដានេះហើយនៅតាមបណ្ដារោងភាពយន្តក្នុងប្រទេសកូរ៉េ ចំណែកប្រទេសថៃនិងប្រទេសផ្សេងទៀត មិនមានដំណឹងស្ដីពីកាលបរិច្ឆេទបញ្ចាំងនៅឡើយទេ៕
ទស្សនា Trailer រឿងខ្មោចបែបរន្ធត់ «ស្នងរូប» តាមរយៈវីដេអូខាងក្រោមនេះ៖
