ពហុកីឡដ្ឋានជាតិអូឡាំពិក ត្រូវបានអ្នកជំនាញលើការថែទាំស្មៅ មកពីប្រទេសជប៉ុន ចុះត្រួតពិនិត្យ និងកែលំអរស្មៅនៅ (ថ្ងៃទី៣) នៅព្រឹកថ្ងៃពុធ ទី២២ ខែមីនា ឆ្នាំ២០២៣ វេលាម៉ោង ៨:០០នាទីព្រឹក ដោយមានការអញ្ជើញ ពីខេមបូឌានព្រីមៀរលីគ រយៈពេល៣ថ្ងៃកន្លងមកនេះ។
ដោយមានការប្រើប្រាស់ ម៉ាស៊ីនកាត់ស្មៅ ម៉ាស៊ីនចោះដី និងកិនកំហាប់ដីផ្ទាល់នៅថ្ងៃនេះ។ ការចុះត្រួតពិនិត្យ និងកែលំអរស្មៅនេះ ដោយមានការចូលរួម របស់លោក Shoji Ikeda ដែលជាអ្នកជំនាញលើការថែទាំស្មៅ អញ្ចើញមកពីប្រទេសជប៉ុន រួមជាមួយក្រុមការរបស់លោកចំនួនពីររូបបន្ថែម។ ក្រោមការសហការជាមួយក្រុមហ៊ុនវឌ្ឍនៈ ជាមួយក្រុមការងារខាងកីឡដ្ឋានផ្ទាល់។
លោក Shoji Ikeda ថាស្មៅនៅពហុកីឡដ្ឋានអូឡាំពិក រីកលូតលាស់បានល្អ ទោះបីជាអាកាសធាតុក្តៅខ្លាំងជាងនៅប្រទេសជប៉ុន។ ហើយលោក Shoji Ikeda បានធ្វើការបង្ហាត់បង្ហាញពីរបៀបប្រើប្រាស់ ម៉ាស៊ីនកាត់ស្មៅ ម៉ាស៊ីនចោះដី និងកិនកំហាប់ដី និងការប្រើប្រាស់ជី សម្រាប់មើលថែស្មៅនៅលើកីឡដ្ឋានផ្ទាល់ ដោយមានការឧបត្ថម្ភគ្រឿងម៉ាសុីនទំនើបៗជាច្រើនពីក្រុមហ៊ុនវឌ្ឍនៈ។
យោងតាមការផ្ដល់បទសម្ភាស៍មកកាន់ក្រុមការងារខេមបូឌានព្រីមៀរលីគ លោក Shoji Ikeda បានឱ្យដឹងថាស្មៅនៅពហុឡដ្ឋានអូឡាំពិក រីកលូតលាស់បានល្អ ទោះបីជាអាកាសធាតុក្តៅខ្លាំងជាងនៅប្រទេសជប៉ុន ដោយ សារតែមានការថែទាំ និងយកចិត្តទុកដាក់ពីក្រុមការងារសហព័ន្ធកីឡាបាល់ទាត់កម្ពុជា៕