ពិធីការិនី សុភក្ត្រ កុសុម៉ា បានទម្លាយវីដេអូផ្អែមល្ហែម ខាងក្រៅឆាក រវាងនាយព្រែក និង កញ្ញា ឈិន មុន្នីនាថ នៅលើផេករបស់ខ្លួន នៅថ្ងៃនេះព្រមទាំងពោលពាក្យថាអាណិតខ្លួន។
សូមចុចអាន សុភក្ត្រ កុសុម៉ា ជូនថវិកាបុរសពិការម្នាក់ធ្វើដើមទុនបង្កើតមុខរបរ!
កាលពីមួយម៉ោង មុននេះ កញ្ញា សុភក្ត្រ កុសុម៉ា ពិធីការិនីប៉ិនប្រសព្វផ្នែកវោហារបាន ធ្វើការបង្ហោះវីដេអូខ្លីមួយ ដែលមានរយៈពេលត្រឹមតែ៥ វិនាទីប៉ុណ្ណោះ ក្នុងវីដេអូនោះ គឺរូបនាយព្រែក និង កញ្ញា ឈិន មុន្នីនាថ តួឯកស្រីរឿង «អ្នកម៉ាក់វ័យក្មេង» របស់ស្ថានីយទូរទស្សន៍ភីអិនអិន អង្គុយនៅជ្រុងមួយស្ងាត់ដាច់ពីគេ ក្នុងនោះនាយព្រែក បានកាន់ដៃកញ្ញា ឈិន មុន្នីនាថ យកមកថើប ហើយមានសំឡេងមួយដែលសន្មតថាជាកញ្ញា សុភក្ត្រ កុសុម៉ា បាននិយាយថា «ផុសហើយណា! ផុសហើយ!»។
នៅខាងលើវីដេអូដែល កញ្ញា សុភក្ត្រ កុសុម៉ា បង្ហោះ កញ្ញា បានសរសេរថា «ហឹមមមម អាសូរខ្លួន Kheng Ratanak មកធ្វើការសោះ តែគាត់ធ្វើដូចនៅសមុទ្រ»។
នៅខាងក្រោមសំណេររបស់កញ្ញា មានហ្វេន របស់កញ្ញាជាច្រើន បានចូលមក Comment លើកឡើងថា៖ «អាណិតអាយដលខ្ញុំណាស់» «អារម្មណ៍អ្នក Single» «គេមានគូអស់ហើយ បងឯងនៅឯកាដល់ណាទៀត» ។
នៅពេលមានអ្នកគាំទ្រចូលមកខមមិនច្រើន កញ្ញា សុភក្ត្រ កុសុម៉ា ក៏បានចូលមកខមមិនបន្ថែមទៀតថា៖ «ជួយលួងលោមតិចមក ឥឡូវខ្វះភាពកក់ក្ដៅខ្លាំង»។
សំណេររបស់កញ្ញា បាននាំនូវភាពសប្បាយរីករាយ ឱ្យមានជាការឆ្លើយឆ្លងគ្នា ជជែកគ្នាកម្សាន្តទៅវិញទៅមករវាងកញ្ញា និង អ្នកគាំទ្រផងដែរ។ យ៉ាងណាមិញទំនាក់ទំនងរបស់លោក ខេង រតនៈ ហៅ ព្រែក និង កញ្ញា ឈីន មុន្នីនាថ កាន់តែបង្ហាញយ៉ាងច្បាស់ថាអ្នកទាំងពីរមានទំនាក់ទំនងពិសេសជាមួយនឹងគ្នា៕
