កាលពីសៀលថ្ងៃទី២៧ ខែមីនា ឆ្នាំ២០២៣ គណៈកម្មការរៀបចំការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន នៃសហព័ន្ធកីឡាបាល់ទាត់កម្ពុជា បានធ្វើការប្រជុំជាមួយប្រតិភូតំណាងក្លិបបាល់ទាត់នៃជម្រើសជើងឯកខេមបូឌាព្រីមៀរលីគ និងជម្រើសជើងឯកកម្ពុជាលីគ២ ស្តីពីការអនុញ្ញាតឱ្យមានកីឡាករបរទេសចូលរួមប្រកួតបាន។
សម្រាប់ប្រាក់រង្វាន់ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) មានដូចខាងក្រោម៖
១. ក្រុមជើងឯក ទទួលបានប្រាក់រង្វាន់ ២០លានរៀល
២. ក្រុមជើងឯករង ទទួលបានប្រាក់រង្វាន់ ១០លានរៀល
៣. ក្រុមលេខ៣ ទទួលបានប្រាក់រង្វាន់ ៨លានរៀល
៤.កីឡាករទាត់ចូលទីច្រើនជាងគេ ទទួលបានប្រាក់រង្វាន់ ២លានរៀល
៥. អ្នកចាំទីល្អជាងគេ ទទួលបានប្រាក់រង្វាន់ ២លានរៀល
៦. គ្រូបង្វឹកល្អជាងគេ ទទួលបានប្រាក់រង្វាន់ ២លានរៀល
សម្រាប់ប្រាក់រង្វាន់ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ជាតិ) មានដូចខាងក្រោម៖
១. ក្រុមជើងឯក ទទួលបានប្រាក់រង្វាន់ ១៥០លានរៀល
២. ក្រុមជើងឯករង ទទួលបានប្រាក់រង្វាន់ ១០០លានរៀល
៣. ក្រុមលេខ៣ ទទួលបានប្រាក់រង្វាន់ ៧០លានរៀល
៤. ក្រុមអាជ្ញាកណ្ដាលល្អ ទទួលបានប្រាក់រង្វាន់ ៨លានរៀល
៥. ក្រុម FAIR PLAY ទទួលបានប្រាក់រង្វាន់ ១០លានរៀល
៦.កីឡាករទាត់ចូលទីច្រើនជាងគេ ទទួលបានប្រាក់រង្វាន់ ៥លានរៀល
៧. អ្នកចាំទីល្អជាងគេ ទទួលបានប្រាក់រង្វាន់ ៥លានរៀល
៨. គ្រូបង្វឹកល្អជាងគេ ទទួលបានប្រាក់រង្វាន់ ៥លានរៀល
៩. កីឡាករល្អជាងគេ ទទួលបានប្រាក់រង្វាន់ ៥លានរៀល
កម្មវិធីប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) ខណ:សប្តាហ៍ទី១ ថ្ងៃអង្គារ ទី២៨ ខែមីនាឆ្នាំ២០២៣ និងថ្ងៃពុធ ទី២៩ ខែមីនា ឆ្នាំ២០២៣៖
គួរបញ្ជាក់ថា ក្លិបបាល់ទាត់វិសាខាបានបំបែកកំណត់ត្រាថ្មីមិនធ្លាប់មានពីមុនមក ពោលគឺចាប់តាំងពីពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ត្រូវបានបង្កើតឡើងក្នុងឆ្នាំ ២០០៧ មកមានតែក្លិបបាល់ទាត់វិសាខាមួយប៉ុណ្ណោះដែលឈ្នះ៣ឆ្នាំជាប់ៗគ្នា នៅឆ្នាំ ២០២០,២០២១ និង២០២២។ ហើយអ្វីដែលកាន់តែពិសេសថែមទៀតនោះក្រុមវិសាខា មិនចាញ់ទាល់តែសោះទាំង៣ឆ្នាំតែម្តង៕