សិល្បៈអន្តរជាតិ៖ មិនមែនជារឿងប្លែកនោះឡើយ ដែលតារាចិន តែងតែទទួលបាននូវប្រជាប្រិយភាព ការពេញនិយម និង ការគោរពស្រលាញ់ពីអ្នកគាំទ្រទាំងក្នុងនិងក្រៅប្រទេស ព្រោះតារាទាំងនោះមានសមត្ថភាពនិងទេពកោសល្យប៉ិនប្រសប់ទាំងការច្រៀងនិងសម្ដែង។ ក្នុងនោះមានតារាខ្លះអាចបំបែកកំណត់ត្រាឯតទគ្គកម្មពិភពលោក Guinness World Records ថែមទៀតផង។ តើតារាចិនទាំង៥ដួងដែលធ្លាប់ជាម្ចាស់កំណត់ត្រាពិភពលោកមានអ្នកណាគេខ្លះ?
1. Andy Lau 刘德华
Andy Lau គឺជាតារាចម្រៀងប៉ុប និងតារាសម្ដែងភាពយន្តខ្នាតធំដ៏ល្បីល្បាញមួយរូបរបស់ក្រុងហុងកុង។លោកបានចាប់អាជីពជាអ្នកចម្រៀងក្នុងឆ្នាំ១៩៨៨។ នៅឆ្នាំ២០០០ លោកឈ្នះបានពានរង្វាន់សរុប២៩២ពាន ហើយឈ្នះកំណត់ត្រាឯតទគ្គកម្មពិភពលោក Guiness World Records នៅក្នុងបរភេទ «តារាចម្រៀងប៉ុបដែលឈ្នះពានរង្វាន់ច្រើនជាងគេបំផុត “Most Awards Won by a Cantopop Male Artist”»
2.Jacky Cheung 张学友
Jacky Cheung ត្រូវបានអ្នកជំនាញក្នុងវិស័យមេឌៀ ចាត់ទុកជាតារាចម្រៀងមួយរូបស្ថិតក្នុងក្រុងម (អធិរាជសួគ៌មួយនៃអ្នកចម្រៀងប៉ុបទាំង៤) កាលពីឆ្នាំ២០១០ Jacky បានប្រគំតន្ត្រីទេសចរណ៍ពិភពលោកពាក់កណ្ដាលសតវត្សរ៍ ដោយកម្មវិធីនោះបានធ្វើឱ្យឈ្នះពានរង្វាន់ ការសម្ដែងខនសឺតផ្ទាល់ដែលមានអ្នកទស្សនាបន្តកន្ទុយគ្នាយូរជាងគេក្នងរយៈពេល១២ខែ ដោយមានអ្នកទស្សនាសរុប ២,០៤៨,៥៥៣ នាក់។
3. Jackie Chan 成龙
Jackie Chan ឬឈិនឡុង គឺជាតារាសម្ដែងភាពយន្តបែបក្បាច់គុនដ៏ល្បីល្បាញរបស់ហុងកុង។ តារាក្បាច់គុនរូបនេះធ្លាប់ឈ្នះពានរង្វាន់ Guiness World Records ចំនួន២ គឺតួជំនួសច្រើនបំផុតដែលសម្ដែងដោយតួអង្គមានជីវិតតែម្នាក់ “Most Stunts by a Living Actor,” និងតារាសម្ដែងដែលដើរតួនាទីច្រើនបំផុតក្នុងភាពយន្តតែមួយ “Most Credits in One Movie,” ។
4. Faye Wong 王菲
Faye Wong គឺជាតារាចម្រៀងចិនហុងកុង។ នាងបានចាប់ផ្ដើមចេញអាល់ប៊ុមចម្រៀងដំបូងមានចំណងជើងថា “Wang Jingwen” ក្នុងឆ្នាំ ១៩៨៩។ និងអាល់ប៊ុមមានចំណងជើងថា “love of strangers” ក្នុងឆ្នាំ២០២០។ ជាសរុបរយៈពេល១១ឆ្នាំក្នុងវិស័យចម្រៀង អាល់ប៊ុមរបស់តារាចម្រៀងរូបនេះលក់ដាច់អស់ចំនួន ៩.៧លានថាស ក្នុងចំណោមអាល់ប៊ុមទាំង២០របស់លោកស្រី។ ជាលទ្ធផលក្នុងឆ្នាំ២០១០ លោកស្រីទទួលបានកំណត់ត្រា Guiness World Records ក្នុងប្រភេទតារាចម្រៀងប៉ុបស្រីដែលក់ដាច់ថាសចម្រៀងដាច់ជាងគេបំផុតក្នុងឆ្នាំ២០១០។
5. Aaron Kwok 郭富城
Aaron Kwok គឺជាតារាចម្រៀងនិងជាអ្នករាំដ៏ពេញនិយមមួយរូបរបស់ហុងកុង។ កាលពីថ្ងៃទី១៧ ខែកុម្ភៈឆ្នាំ ២០០៨ លោកបានបង្កើតកំណត់ត្រាឯតទគ្គកម្មពពិភពលោកនាមហោស្រព Hong Kong Asia World Arena ដោយការរាំក្នុងសាលលើឆាកវិលដ៏ធំជាងគេមានទំហំ 10m x 9.44m និងវិល៤៥ដឺក្រេ។
6. LuHan 鹿晗
និយាយដល់បុរសសង្ហានិងមានឥទ្ធិពលក្នុងស្រទាប់មហាជនរបស់ចិននោះគឺ Luhan សមាជិក EXO ក៏ទទួលបានកំណត់ត្រាពិភពលោក២មកគ្រប់គ្រង ប្រៀបដូចជារៀមច្បងឈិនឡុងដែរ។
ទីមួយ៖ ក្នុងខែកញ្ញា ឆ្នាំ២០១២ Lohan ទទួលកំណត់ត្រាប្រភេទ ការបញ្ចេញមតិច្រើនបំផុតនៅលើ Platform Weibo « Most Comments on A Sina Weibo »។ ផុសដែល Luhan ផុសបានសរសេរថា «That’s why I Love Manchester United» ដោយភ្ជាប់ជាមួយនឹងវីដេអូ។ ផុសនោះមានចំនួនបញ្ចេញមតិខាងក្រោយរហូតដល់១៣.២លានដងពីអ្នកគាំទ្រ
ទីពីរ៖ ឆ្នាំ២០១៦ បុរសសង្ហារូបនេះបានឈ្នះកំណត់ត្រាពិភពលោក Guiness World Records មួយប្រភេទទៀតគឺមនុស្សប្រមូលផ្ដុំច្រើនបំផុតពាក់បូរស្នែងរមាំង « Largest gathering of people wearing antlers » នាឱកាសដែលលោកបានប្រគំតន្ត្រីដ៏ធំរបស់ខ្លួននៅក្រុង ប៉េកាំង ប្រទេសចិន។
ងាកមកកម្ពុជាយើងឯណេះវិញ ថ្មីៗនេះ ព្រះរាជាណាចក្រកម្ពុជាទើបតែបំបែកកំណត់ត្រាឯតទគ្គកម្មពិភពលោក Guinness World Records នាព្រឹត្តិការណ៍អង្គរសង្ក្រាន្តខួប១០ ក្នុងខេត្តសៀមរាប។ យ៉ាងណាមិញនេះមិនមែនជាកំណត់ត្រាទីមួយដែលកម្ពុជាធ្លាប់បំបែកកំណត់ត្រាពិភពលោកនោះឡើយ ព្រោះកន្លងមក កម្ពុជាធ្លាប់ជាប់និងបំបែកកំណត់ត្រាពិភពលោកជាច្រើនច្រើនសារ ដោយក្នុងចំណោមនោះមាន ទូកង «កម្ពោជិកបុត្តាខេមរាតរី» ដែលជាទូកងវែងជាងគេ បានជាប់កំណត់ត្រាឯតទគ្គកម្មពិភពលោកកាលពីថ្ងៃទី១២ ខែវិច្ឆិកា ឆ្នាំ២០១៨។
ប្រភព៖ ChinaWhisper
