ការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍លើកទី៦ The 6th Southeast Asian Vovinam Championships 2023 បានបញ្ចប់ដោយឆ្លងកាត់ការប្រកួតពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ មកនេះ សង្កេតឃើញថា ក្រុមកីឡាករ កីឡាការិនីកម្ពុជា ទទួលបានផលវិជ្ជមានមុនការប្រកួតស៊ីហ្គេម ២០២៣ដោយដណ្តើមបានមេដាយសរុប ២៩គ្រឿង។
ជាលទ្ធផលកម្ពុជា ឈរនៅលំដាប់លេខ ១ក្នុងដណ្តើមបានមេដាយសរុប ២៩គ្រឿង ចំណោម ៧ប្រទេសចូលរួម ដែលបានចូលរួមប្រកួត ដោយទទួលបានរួមមាន៖
- មេដាយមាស ១០គ្រឿង
- មេដាយប្រាក់ ៩ គ្រឿង
- មេដាយសំរិទ្ធិ ១០គ្រឿង
វៀតណាម បញ្ចប់នៅចំណាត់ថ្នាក់លេខ២ មេដាយសរុប ២០គ្រឿង
- មេដាយមាស ០៩គ្រឿង
- មេដាយប្រាក់ ១១គ្រឿង
មីយ៉ាន់ម៉ា បញ្ចប់នៅចំណាត់ថ្នាក់លេខ៣ មេដាយសរុប ២៨គ្រឿង
- មេដាយមាស ០៥គ្រឿង
- មេដាយប្រាក់ ០៤គ្រឿង
- មេដាយសំរឹទ្ធ ១៩គ្រឿង
ថៃ បញ្ចប់នៅចំណាត់ថ្នាក់លេខ៤ មេដាយសរុប ១២គ្រឿង
- មេដាយមាស ០៣គ្រឿង
- មេដាយប្រាក់ ០៥គ្រឿង
- មេដាយសំរឹទ្ធ ០៤គ្រឿង
ឥណ្ឌូនេស៊ី បញ្ចប់នៅចំណាត់ថ្នាក់លេខ៥ មេដាយសរុប ១៩គ្រឿង
- មេដាយមាស ០៣គ្រឿង
- មេដាយសំរឹទ្ធ ១៦គ្រឿង
ហ្វីលីពីន បញ្ចប់នៅចំណាត់ថ្នាក់លេខ៥ សរុប ៧គ្រឿង
- មេដាយប្រាក់ ០១គ្រឿង
- មេដាយសំរឹទ្ធ ៦គ្រឿង
ខណៈឡាវបញ្ចប់នៅក្រោមគេជាមួយមេដាយសំរឹទ្ធ ៤គ្រឿង
គួរបញ្ជាក់ថា ព្រឹត្តិការណ៍ប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍លើកទី៦ The 6th Southeast Asian Vovinam Championships 2023 ដំណើរការប្រកួតពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ ដោយកម្ពុជាមានកីឡាករ កីឡាការិនីចូលរួមប្រកួត ២៧នាក់ ថៃ ១២នាក់ មីយ៉ាន់ម៉ា ២០នាក់ ឥណ្ឌូនេស៊ី ២០នាក់ ហ្វីលីពីន ៨នាក់ ឡាវ ១៣នាក់ និងប្រទេសវៀតណាម ៣៧នាក់ សរុបទាំងប្រតិភូដែលចូលរួមការប្រកួតនេះមានជាង ២០០នាក់៕
