គង់ ម៉ូណាជេសស៊ីកា គឺជាកីឡាការិនីក្បាច់គុន ហាប់គីដូមួយរូបដែលមានសមត្ថភាពខ្ពស់ និងជាកីឡាការិនីខ្សែក្រវ៉ាត់ខ្មៅកីឡាមានប្រភពមកពីប្រទេសកូរ៉េមួយនេះផងដែរ យ៉ាងណាមិញ ថ្មីៗនេះ យុវតីដ៏ស្រស់សោភាដែលមានចិត្តស្រលាញ់សិល្បៈនោះ បានវិវត្តខ្លួនជាតារាសម្ដែង តាមរយៈការបង្ហាញវត្តមានក្នុងឃ្លីបវីដេអូខ្លីប្រូម៉ូត រឿង «គំនុំចាស់» ជាមួយនឹងរៀមច្បងតារាសម្ដែងផ្សេងៗទៀត។
គង់ ម៉ូណាជេសស៊ីកា បានទាក់ចិត្តអ្នកទស្សនា ឱ្យមានការចាប់អារម្មណ៍ទៅលើស្រីតូចមុខសុភាព ប៉ុន្តែបែរជាមានសមត្ថភាពថតឈុតឆាកវាយតប់ បានយ៉ាងល្អនិងស្ទាត់ជំនាញ ព្រោះតែមានមូលដ្ឋានជាកីឡាការិនីក្បាច់គុនស្រាប់ ធ្វើឱ្យឈុតវាយតប់ដែលយុវតីរូបនេះសម្ដែងបានសមល្អ និង មានការសរសើរច្រើន។
ភាពយន្តខ្លី «គំនុំចាស់» នេះគឺជារឿងបុរាណ បែបវាយតប់ ដែលមានការចូលរួមសម្ដែងពី លោក សុខ ដែន កញ្ញា អាំង សុជាតា នាយ លុច ជាតារាកំប្លែង និង តារាប្រុសស្រីជាច្រើនរូបទៀត៕
ចង់ដឹងថា គង់ ម៉ូណាជេសស៊ីកា សម្ដែងបានល្អយ៉ាងណានោះសូមទស្សនាវីដេអូខាងក្រោម៖