ភ្ញៀវទេសចរណ៍ប្រមាណជាជាង៤៣នាក់បានធ្វើដំណើរចូលខេត្តសៀមរាប ដើម្បីចូលរួមលេងកម្សាន្តនៅទីតាំងសំខាន់ៗ ក្នុងពិធីបុណ្យចូលឆ្នាំប្រពៃណីជាតិខ្មែរ ជាពិសេសក្នុងព្រឹត្តិការណ៍អង្គរសង្រ្កាន្តដែលកំពុងតែរៀបចំលើទឹកដីវប្បធម៌រូបីនិងអរូបីមួយនេះ។
យោងតាមរបាយការណ៍ដែលអ្នកសារព័ត៌មានជាតិទទួលបាន ឃើញថាចំនួនភ្ញៀវទេសចរជាតិ-អន្តរជាតិ និងបងប្អូនប្រជាពលរដ្ឋដើរលេងកម្សាន្តក្នុងព្រឹត្តិការណ៍អង្គរសង្ក្រាន្តថ្ងៃទី១៤ ខែមេសា ឆ្នាំ២០២៣ មានចំនួនប្រមាណ ៤៣៦.៦៧៩ នាក់ក្នុងនោះ៖
*ទេសចរជាតិ និងបងប្អូនប្រជាពលរដ្ឋ មានចំនួនប្រមាណ ៤៣០.០០០ នាក់ ក្នុងនោះ ៖
- ក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាបមានចំនួនប្រមាណ ៣៥០.០០០ នាក់
- រមណីយដ្ឋានឧទ្យានជាតិភ្នំគូលែនមានចំនួប្រមាណ ១០.០០០ នាក់
- តំបន់ទន្លេសាបមានចំនួនប្រមាណ ៥.០០០ នាក់
- សហគមន៍ទេសចរណ៍-អេកូទេសចរណ៍និងតំបន់រមណីយដ្ឋានផ្សេងៗមានចំនួនប្រមាណ ៦៥.០០០ នាក់
*ភ្ញៀវទេសចរអន្តរជាតិ មានចំនួន ៦.៦៧៩ នាក់ ។
អត្ថបទពាក់ព័ន្ធ៖សម្ដេចតេជោ៖ អង្គរសង្រ្កាន្ត ក៏ធ្វើឱ្យមានជំនួបបេះដូងរវាងបុរស និងស្រ្ដី លើសពីជាទីកន្លែង…
សូមបញ្ជាក់ថាខេត្តសៀមរាប ជាទីតាំងសំខាន់មួយក្នុងចំណោមទីតាំងសំខាន់ៗដែលមហាជនធ្វើដំណើរកម្សាន្តសប្បាយ អំឡុងពិធីបុណ្យចូលឆ្នាំប្រពៃណីជាតិខ្មែរ៕
