សិល្បៈជាតិ៖ កាលពីយប់ថ្ងៃទី២៤ ខែមេសា ម្សិលមិញនេះ សាន កុសមៈ ទើបតែចែករំលែកដំណឹងរីករាយជាមួយនឹងអ្នកគាំទ្រខ្លួន ថា កញ្ញាទទួលបានក្លាយជាទូតសុច្ឆន្ទៈក្រោយទទួលបានឱកាសនិងសេចក្ដីទុកចិត្តពីអគ្គនាយិការផលិតផលថែសម្រស់។
តាមរយៈការបង្ហោះរបស់តារាសម្ដែងរូបស្រស់ម្ចាស់រហស្សនាមទេពធីតា បានឱ្យដឹងក្ដីរំភើបនិងថ្លែងអំណរគុណចំពោះការផ្ដល់ឱកាសឱ្យខ្លួនជាទូតសុច្ឆន្ទៈរបស់អគ្គនាយិការ ព្រមទាំងបង្កើតបរិយាកាសរីករាយជួបជុំគ្នាយ៉ាងដូច្នេះ៖ «វាជាអ្វីដែលនាងខ្ញុំមិននឹកស្មានដល់ ដែលមានបងប្អូនជាច្រើនចូលរួមអបអរសាទរក្នុងកម្មវិធីប្រកាសទូតសុច្ឆនៈ សំឡីជូតមុខ HK7 កាលពីម្សិលមិញនេះ អរគុណដល់ក្រុមហ៊ុន HK7 ដែលមានបងស្រី Sokunthea Imm ជាអគ្គនាយិការ និងបងប្រុសដែលបង្កេីតឳកាសនៃការជួបជុំដ៏មានអត្ថន័យរវាងនាងខ្ញុំ និង បងប្អូនអ្នកគាំទ្រទាំងអស់ បងប្អូនណាមានរូបថតកាលពីម្សិលមិញ ទំលាក់ក្នងខមិនខាងក្រោមមក »
កញ្ញា សាន កុសុមៈ គឺជាតារាសម្ដែងវ័យក្មេង ដែលកំពុងតែមានឈ្មោះបោះសំឡេងនៅលើវិថីសិល្បៈ កញ្ញាតែងតែមានវត្តមានសម្ដែងភាពយន្តភាគ និងស្ពតពាណិជ្ជកម្មធំៗរបស់ក្រុមហ៊ុនឈានមុខគេនៅកម្ពុជា ហេតុដូច្នេះការជ្រើសរើសយកស្រីស្អាតរូបនេះធ្វើជាទូតសុច្ឆន្ទៈនឹងជួយឱ្យផលិតផលឆាប់ចូលដល់ដៃអតិថិជនដែលជាអ្នកគាំទ្ររបស់តារាវ័យក្មេងរូបនេះ។