ក្រុមជម្រើសជាតិទីម័រឡេស្តេ អាយុក្រោម២២ឆ្នាំ បានធ្វើដំណើរមកដល់រាជធានីភ្នំពេញ តាមច្រកព្រលានយន្តហោះអាកាសយានដ្ឋានអន្តរជាតិភ្នំពេញ នៅព្រឹកថ្ងៃទី២៧ ខែមេសា ដើម្បីត្រៀមសម្រាប់ព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅភ្នំពេញ។
ក្រុមជម្រើសជាតិទីម័រឡេស្តេ អាយុក្រោម២២ឆ្នាំ វិញ្ញាសារបាល់ទាត់បុរស ស្ថិតនៅក្នុងពូល B ជាមួយក្រុមជម្រើស កម្ពុជា, ឥណ្ឌូនេស៊ី, មីយ៉ាន់ម៉ា, ហ្វីលីពីន។ ខណ:ប្រកួតបើកឆាក ក្រុម ជម្រើសជាតិកម្ពុជា U22 នឹងប៉ះជាមួយក្រុមជម្រើសជាតិទីម័រខាងកើត នៅថ្ងៃទី២៩ ខែមេសា វេលាម៉ោង ៧:០០ នាទីយប់ នៅពហុកីឡដ្ឋានជាតិ។
ក្រុមបាល់ទាត់ជម្រើសជាតិបុរសអាយុក្រោម២២ឆ្នាំ៖
- ពូល A មាន៖ កម្ពុជា, ឥណ្ឌូនេស៊ី, មីយ៉ាន់ម៉ា, ហ្វីលីពីន, ទីម័រឡេស្តេ
- ពូល B មាន៖ វៀតណាម,ថៃ, សិង្ហបុរី, ម៉ាឡេស៊ី, ឡាវ
កាលវិភាគប្រកួតក្រុមជម្រើសជាតិបុរសអាយុក្រោម២២ឆ្នាំ មានដូចខាងក្រោម៖
- ថ្ងៃទី២៩ ខែមេសា កម្ពុជា ប៉ះ ទីម័រឡេស្តេ នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី០២ ខែឧសភា កម្ពុជា ប៉ះ ហ្វីលីពីន នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី០៧ ខែឧសភា កម្ពុជា ប៉ះ មីយ៉ាន់ម៉ា នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី១០ ខែឧសភា កម្ពុជា ប៉ះ ឥណ្ឌូនេស៊ី នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
សម្រាប់ប្រភេទកីឡាបាល់ទាត់ នៅក្នុងព្រឹត្តិការណ៍ស៊ីហ្គេមលើកទី៣២ នឹងចាប់ផ្ដើមការប្រកួតជម្រុះចាប់ពីថ្ងៃទី២៩ ខែមេសា តទៅ ខណ:ពិធីបើកផ្លូវការរបស់ស៊ីហ្គេម លើកទី៣២ នឹងត្រូវធ្វើនៅថ្ងៃទី៥ ខែឧសភា និងបញ្ចប់ នៅថ្ងៃទី១៧ ខែឧសភា៕
រូបភាព៖ BTV Sports