ស៊ីហ្គេមលើកទី៣២ ឆ្នាំ២០២៣ ដែលកម្ពុជា ទទួលសិទ្ធិធ្វើជាម្ចាស់ផ្ទះបានដំណើរការប្រកួតបើកពូលនីមួយៗកាលពីពេលថ្មីៗ ក្នុងវិញ្ញាសាបាល់ទាត់ផ្នែកបុរស ខណៈឃើញថាក្នុងចំណោម៤ប្រកួតបើកឆាកនេះ មានអាជ្ញាកណ្ដាលកម្ពុជា ១រូបចាយកាតច្រើនជាងអាជ្ញាកណ្ដាលបរទេស៤រូបផ្សេងទៀត។
ប្រកួតវិញ្ញាសារបាល់ទាត់ផ្នែកបុសរស ទាំង២ពូលថ្ងៃបើកឆាកឃើញថា៖
*ពូល A
-ឥណ្ឌូណេស៊ី ៣-០ ហ្វីលីពីន អាជ្ញាកណ្ដាល Rowan Arumughan (ឥណ្ឌា) ពិន័យកាត១សន្លឹក
-កម្ពុជា ៤-០ ទីម័រខាងកើត អាជ្ញាកណ្ដាល Abdullah Jamali (គុយវ៉ែត) ពិន័យកាត១សន្លឹក
*ពូល B
-ថៃ ៣-១ សិង្ហបុរី អាជ្ញាកណ្ដាល Kim Hee-gon (កូរ៉េខាងត្បូង) ពិន័យកាត១សន្លឹក
-វៀតណាម ២-០ ឡាវ អាជ្ញាកណ្ដាល ឃិន ឧសីហា (កម្ពុជា) ពិន័យកាត៣សន្លឹក
លោក ឃិន ឧសីហា បានក្លាយជាអាជ្ញាកណ្ដាលកម្ពុជា ដំបូងគេ ដែលបានបង្ហាញខ្លួនសម្រាប់ព្រឹត្តិការណ៍ស៊ីហ្គេម ឆ្នាំនេះ ខណៈការប្រកួតស៊ីហ្គេម កន្លងទៅសុទ្ធតែអញ្ញើញអាជ្ញាកណ្ដាលមកពីក្រៅតំបន់អាស៊ាន មកដឹកនាំការប្រកួតទាំងអស់។
គួរបញ្ជាក់ដែរថា លោកឃឹន ឧសីហា ត្រូវបានជ្រើសរើស ជាមន្ត្រីអាជ្ញាកណ្តាល របស់ FIFA នៅឆ្នាំ២០២៣ នេះ រួមទាំងលោកជី សាមឌី ឃួន វិរៈ និងកញ្ញា ប្លុង ពេជ្រអក្ខរ៉ា ខណៈជំនួយការមាន លោក គឹម ស៊ីពិសាល លោក ផៃ វិសាល លោក ស៊ុន ចាន់ភារិទ្ធិ លោក ស៊ុន ដារ៉ាវុធ លោក ទិន សំរេច កញ្ញា ថោន ដាវី និងអាជ្ញាកណ្ដាលសម្រាប់កីឡាបាល់ទាត់ក្នុងសាល គឺលោក សន វិហ្សែល៕
