ត្រឡប់មកដល់ទឹកដីកម្ពុជាជាថ្មី កីឡាការិនី ខាន់ ចេសា បានប្រាប់អ្នកសាព័ត៌មានថា ខ្លួនពិតជារំភើបរីករាយ និងមានមោទនភាពដែលបានតំណាងឲ្យជាតិកម្ពុជាសាជាថ្មីក្នុងព្រឹត្តិការណ៍អន្តរជាតិ ហើយរំពឹងទទួលបានមេដាយមាសទៀតដើម្បីជូនជាតិ។
កីឡាការិនី ខាន់ ចេសា ជឺជីតស៊ូជម្រើសជាតិកម្ពុជា បានធ្វើដំណើរមកដល់ប្រទេសកម្ពុជា កាលពីថ្ងៃទី០១ ខែឧសភា ឆ្នាំ២០២៣ ដើម្បីចូលរួមប្រកួតក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។ ខណ:ការប្រកួតសម្រាប់ប្រភេទកីឡាជឺជីតស៊ូ នឹងធ្វើការចាប់ផ្ដើមនៅថ្ងៃទី០៤ ខែឧសភានេះ កាលវិភាគនៃការប្រកួតកីឡាជឺជីតក្នុងព្រឹត្តិការណ៍ការប្រកួតកីឡាស៊ីហេ្គមលើកទី៣២។
សម្គាល់៖ ចំពោះការចូលរួម គឺមិនគិតថ្លៃ និងគ្មានសំបុត្រ ប៉ុន្តែកន្លែងអង្គុយមានកំណត់។ យើងនឹងបើកទ្វារទទួលអ្នកទស្សនា ៣០ នាទី មុនព្រឹត្តិការណ៍ប្រកួតចាប់ផ្ដើម។
សូមបញ្ជាក់ថា កីឡាការិនី ខាន់ ចេសា ធ្លាប់ឈ្នះមេដាយមាស២គ្រឿងហើយជូនជាតិកម្ពុជា ក្នុងនោះលើកទី១ គឺមេដាយមាសពីកីឡាស៊ីហ្គេម ឆ្នាំ២០១៨ នៅប្រទេសឥណ្ឌូណេស៊ី និងលើកទី២ មេដាយមាសកីឡាស៊ីហ្គេម ឆ្នាំ២០១៩ នៅប្រទេសហ្វីលីពីន៕