ព្រឹត្តិកាណ៍ការប្រកួតកីឡាស៊ីហ្គេម លើវិញ្ញាសារបាល់ទាត់បុរស និងបាល់ទាត់នារីកន្លងទៅ ឃើញថាមានមន្ត្រីកម្ពុជា ចំនួន២រូបហើយដែលបានចូលរួមកាត់សេចក្តីលើទីលានប្រកួតកន្លងទៅ ក្នុងនោះលោកឃិន ឧសីហា និងកញ្ញា ប្លុង ពេជអក្ខរ៉ា ដែលជាមន្ត្រីអាញ្ញាកណ្តាលរបស់កម្ពុជា បានកាត់សេចក្តីការប្រកួតលើវិញ្ញាសារបាល់ទាត់កន្លងទៅ។
សម្រាប់កញ្ញា ប្លុង ពេជ្រអក្ខរ៉ា គឺជាអាជ្ញាកណ្ដាលនារីដំបូងគេរបស់កម្ពុជា ដឹកនាំការប្រកួតក្នុងព្រឹត្តិការណ៍ស៊ីហ្គេម និងជាអាជ្ញាកណ្ដាលទី២ របស់កម្ពុជា ដឹកនាំការប្រកួតក្នុងស៊ីហ្គេមឆ្នាំ២០២៣ នេះបន្ទាប់ពីលោកអាជ្ញាកណ្ដាល ឃិន ឧសីហា ដែលបានកាត់សេចក្តីកាលពីជំនួបរបស់ក្រុមជម្រើសជាតិវៀតណាម ទល់និងក្រុមជម្រើសជាតិឡាវ កាលពីថ្ងៃទី៣០ ខែមេសា ឆ្នាំ២០២៣ កន្លងទៅ ហើយកញ្ញា ប្លុង ពេជ្រអក្ខរ៉ា ដឹកនាំជំនួបរវៀងក្រុមជម្រើសជាតិវៀតណាម ទល់និងក្រុមជម្រើសជាតិម៉ាឡេស៊ី នៅថ្ងៃទី០៣ ខែឧសភា ឆ្នាំ២០២៣។
គួរបញ្ជាក់ដែរថា កញ្ញា ប្លុង ពេជ្រអក្ខរ៉ា ត្រូវបានជ្រើសរើសជាអាជ្ញាកណ្តាលកម្រឹតអន្តជាតិនៅឆ្នាំ២០២២ ខណៈលោកឃិន ឧសីហា ទើបត្រូវបានជ្រើសរើសជាមន្រ្តីអាជ្ញាកណ្តាលកម្រឹតអន្តជាតិនៅដើមឆ្នាំ២០២៣ នេះ៕