សិល្បៈអន្តរជាតិ៖ កាលពីខែសីហា ឆ្នាំ២០២២ តារាសម្ដែងដ៏ល្បីល្បាញរបស់ចិន Xu Kai Cheng (徐开骋) បានចេញមកសារភាពនិងព្រមទទួលស្គាល់ថាខ្លួនបានលួចក្បត់ចិត្តមិត្តស្រី Zhang Tian’ai ដោយសារតែផឹកស្រាស្រវឹងរហូតបាត់បង់ស្មារតី។
ក្រោយពេលដំណឹងនេះត្រូវបានផ្សព្វផ្សាយជាសាធារណៈ កន្លងមករយៈពេល៩ខែហើយដែលអ្នកគាំទ្ររបស់តារាសម្ដែងសង្ហារូបនេះមិនឃើញវត្តមានរបស់លោកទាល់តែសោះមិនថាតាមរយៈបណ្ដាញសង្គមនានារបស់ចិនឬតាមរយៈការសម្ដែងផ្សេងៗ។
អ្នកគាំទ្ររបស់លោកបានត្រឹមតែសង្ឃឹមថាលោកនឹងឆាប់ត្រលប់មកសម្ដែងក្នុងរឿងភាគក្នុងពេលដ៏ឆាប់ខាងមុខនេះ ព្រោះលោកគឺជាតារាសម្ដែងដ៏មានទេពកោសល្យនិងល្បីល្បាញមួយរបស់ចិនដែលមានអ្នកគាំទ្រទាំងអាស៊ី និងអ៊ឺរ៉ុប។
