សម្រាប់អ្នកគាំទ្រក្រុមអង់គ្លេស វេលានេះគឺជាពេលរីករាយខ្លាំង ព្រោះក្រុមបណ្ដូលចិត្តបានយកជ័យជំនះក្នុងវគ្គពាក់កណ្ដាលព្រ័ត្រ (Semi-Final) ក្នុងពាន UEFA EURO ដោយលទ្ធផល ២ទល់នឹង១ ជាមួយនឹងប្រទេសដាណឺម៉ាក។ មិនខុសគ្នាពីប្រជាពលរដ្ឋកម្ពុជាដែលជាអ្នកគាំទ្រក្រុមអង់គ្លេស ប្រជាពលរដ្ឋអង់គ្លេស ក៏ដូចជាបុគ្គលល្បីៗបានចេញមកអបអរសាទរចំពោះជ័យជំនះជាប្រវត្តិសាស្ត្រនេះដូចគ្នា។
តារាសម្ដែង Ross Kemp អតីតតារាសម្ដែងភាពយន្តភាគទូរទស្សន៍ «EastEnders» ដែលកសាងបាននូវប្រជាប្រិយភាពកាលពីឆ្នាំ២០១៨ បានបង្ហោះវីដេអូស្រែកនិងនិយាយថា «វាពិតជាមានន័យណាស់» នៅលើ Twitter របស់លោក។ នៅក្នុងវីដេអូនោះ ថែមទាំងប្រាប់ទៅកីឡាករអង់គ្លេសថា «ឈ្នះ ឈ្នះ ឈ្នះ» ផងដែរ។
បុរសសង្ហាក្នុងពិភពបាល់ទាត់ Devid Beckham អតីតកាប់ពីតែនក្រុមអង់គ្លេស បានសរសេរពាក្យពពេចន៍របស់ខ្លួននៅលើ IG Story ថា «រាត្រីនេះជារាត្រីដ៏អស្ចារ្យបំផុត ហើយខ្ញុំពិតជាមានមោទកភាបណាស់ដែលបានឈរនៅទីនេះហើយសម្លឹងមើល Gareth និងកីឡាករអង់គ្លេសបង្កើតប្រវត្តិសាស្ត្រមួយ»។
ខណៈតារាចម្រៀងនិមិត្តតន្ត្រីប៉ុប Adele បានបង្ហោះវីដេអូរបស់ខ្លួនទស្សនាការស៊ុតបាល់១១ម៉ែត្ររបស់ Kane ព្រមទាំងស្រែកផង លោតផង ក្រោយពីកីឡាកររូបនេះអាចបំប៉ោងសំណាញ់ទីបាន ដោយសរសេរភ្ជាប់មកជាមួយថា «យើងគឺជាម្ចាស់ផ្ទះ»។
តារាសម្ដែងជើងចាស់លោក Michael Caine បានបង្ហោះលើ Twitter ដែរថា «ថ្ងៃអាទិត្យនេះត្រូវតែឈ្នះ Kane, Southgate, និងតារាក្នុងក្រុមផ្សេងៗទៀត»។ សម្រាប់ Spice Girl Mel C បានបង្ហោះសំណេរអបអរដែរថា «Waaaaaahoooo!»
ក្នុងនោះដែរតារាចម្រៀងគូ Brit និងtតារាចម្រៀងឈ្នះពាន Grammy Dua Lipa បានក៏ចែករំលែករូបភាពទស្សនាការប្រកួតដោយនៅលើមុខមានគូរូបទង់ជាតិផងដែរ។
សម្រាប់តារាកំពូលចុងភៅ Jamie Oliver បានហៅទំរង់លេងរបស់ក្រុមអង់គ្លេសថាអស្ចារ្យ
គួរដឹងថា នៅថ្ងៃអាទិត្យខាងមុខនេះក្រុម អង់គ្លេស នឹងជួបប្រកួតជាមួយនឹងក្រុមអ៊ីតាលី វគ្គផ្ដាច់ព្រ័ត្រយកពាន នៅទឹកដីអង់គ្លេសនាកីឡដ្ឋាន Wembley ក្រោមក្រសែភ្នែកអ្នកគាំទ្រ ៦៧៥០០នាក់៕
ប្រភព៖ SKYNEWS