នាយករដ្ឋមន្ត្រីថៃលោក ប្រាយុទ្ធ ចាន់អ៊ូចា ប្រកាសនៅក្នុងកិច្ចប្រជុំ គ្រប់គ្រងស្ថានការណ៍រាតត្បាត នៃមេរោគកូរ៉ូណា នាថ្ងៃសុក្រទី៩ ខែកក្កដា ឆ្នាំ២០២១ មិនយកប្រាក់ខែចំនួន៣ខែ ដោយឱ្យយកប្រាក់នេះ ទៅប្រើប្រាស់ដើម្បីជាប្រយោជន៍ជួយដោះស្រាយស្ថានការណ៍កូវីដ-19 នៅក្នុងប្រទេសថៃ។ យោងតាមសារព័ត៌មានថៃ កាលពីថ្ងៃម្សិលមិញ ពោលគឺថ្ងៃទី ៨ ខែកក្កដា ឆ្នាំ២០២១។
ទន្ទឹមនឹងនាយករដ្ឋមន្រ្តីប្រកាសលះបង់ប្រាក់ខែ ដើម្បីជួយដោះស្រាយបញ្ហាកូវីដ១៩ក្នុងប្រទេសរបស់ខ្លួន គឺលោក អភិបាលខេត្ត ប៉ាធុមថានី ឆ័យវ៉ាត់ ឈឺនកូស៊ុន ក៏បានប្រកាសមិនយកប្រាក់ខែ៣ ខែ ដើម្បីជួយប្រជាជនកំឡុងពេលកូវីដ១៩ ដូចគ្នា។
គិតត្រឹមថ្ងៃទី០៩ កក្កដានេះ ប្រទេសថៃ មានអ្នកឆ្លងកូវីដ១៩សរុបចំនួន ជាង៣សែននាក់ និងអ្នកជាសះស្បើយសរុបចំនួន ២៦,៨៧៣នាក់ ក្នុងនោះមានអ្នកស្លាប់ចំនួន ២,៤៦២នាក់៕