ការព្យាយាមរបស់សហរដ្ឋអាមេរិកក្នុងការដាក់បំរាមលើ TikTok នៅតែកើតមានឡើងជាបន្តបន្ទាប់ ដូចជាថ្មីៗនេះរដ្ឋ Montana បានចេញច្បាប់ដាក់បំរាមលើ TikTok ដែលអាចចាត់ទុកថានេះគឺជារដ្ឋដំបូងនៅសហរដ្ឋបានចេញច្បាប់យ៉ាងច្បាស់លាស់ ដោយមានចុះហត្ថលេខាពីលោកអភិបាលរដ្ឋ Montana លោក Greg Gianforte ហើយច្បាប់នេះនឹងចូលជាធរមាននៅថ្ងៃទី១ ខែមករា ឆ្នាំ២០២៤ ខាងមុខនេះ។
ដោយសារមូលហេតុនេះក្រុមហ៊ុន TikTok បានប្ដឹងបកត្រលប់វិញ ដោយទាំងក្រុមហ៊ុន TikTok និងអ្នកផលិត Content TikTok បានដាក់ពាក្យប្ដឹងកាលពីថ្ងៃច័ន្ទទី២២ ខែឧសភា នៅតុលាការរដ្ឋ Montana ដើម្បីប្រឆាំងនឹងច្បាប់ហាមឃាត់ ដោយលើកឡើងថាច្បាប់នេះផ្ទុយនឹងរដ្ឋធម្មនុញ រំលោភសិទ្ធិសេរីភាពក្នុងការនិយាយស្ដី ព្រមទាំងសន្និដ្ឋានដោយគ្មានមូលដ្ឋានពិតប្រាកដរឿងដែលថារដ្ឋបាលចិនអាចទាញយកទិន្នន័យរបស់អ្នកប្រើប្រាស់បាន។
យ៉ាងណាមិញ នៅពេលដែលរដ្ឋ Montana ចេញច្បាប់ដាក់បំរាម ប៉ុន្តែមិនមានវិធីក្នុងការដាក់បំរាមឱ្យបានច្បាស់លាស់នោះទេ ព្រោះអ្នករស់នៅក្នុងរដ្ឋមួយនៅតែអាចដោនឡូត (Download) App ឬ ទោះជាមានចេញច្បាប់និងហាមទៅកាន់ Apple និង Google ក៏ប្រជាជនក្នុងរដ្ឋនេះនៅតែអាចប្រើប្រាស់ App TikTok តាមរយៈវិធីសាស្ត្រផ្សេងៗជាដដែល។
កន្លងមកការហាមឃាត់មិនប្រើប្រាស់ TikTok គឺធ្វើឡើងតែក្នុងរង្វង់អាជ្ញាធរមានសមត្ថកិច្ច និង រដ្ឋបាលអាមេរិកប៉ុណ្ណោះ អាស្រ័យដោយខ្លាចថា App អាចទាញយកទិន្នន័យផ្ទាល់ខ្លួនរបស់អ្នកប្រើប្រាស់ទៅប្រទេសចិន ដោយរដ្ឋបាលអាមេរិកដល់ថ្នាក់កោះហៅ CEO របស់ TikTok ទៅផ្ដល់ចម្លើយដល់សភារួចមកហើយ។
ប្រភព៖ https://workpointtoday.com/montana-bans-tiktok-tiktok-sues-back/