ការប្រកួតពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) បានចាប់ផ្ដើមធ្វើការប្រកួតសប្ដាហ៍ទី៤ហើយ ដោយរសៀលនេះគឺមានការប្រកួតចំនួន២ គូរធ្វើឡើងនៅ២ទីលានផ្សេងគ្នា។
មន្ទី អយកខេត្តកំពង់ចាម ប៉ះ ខេត្តកណ្តាល វេលាម៉ោង ១៥.៣០ នាទីរសៀល ទីលានវិទ្យាល័យព្រះសីហនុ និងមន្ទីរ អយកខេត្តត្បូងឃ្មុំ ប៉ះ ខេត្តស្វាយរៀង វេលាម៉ោង ១៥.៣០ នាទីរសៀល ដំណាលគ្នានៅទីលានវិទ្យាល័យ ហ៊ុនសែន មេមត់។
លទ្ធផលការប្រកួតថ្ងៃទី២៣ ខែឧសភា ឆ្នាំ២០២៣៖
កំពត អេហ្វស៊ី ០-១ ភ្នំពេញហ្គាឡាក់ស៊ី នៅកីឡដ្ឋានព្រះរាជសម្ភារ
ខេត្តព្រះសីហនុ ២-១ មន្ទី អយក ខេត្តកំពង់ស្ពឺ នៅទីលានវិទ្យាល័យ សម្តេចឪ
សម្រាប់ប្រាក់រង្វាន់ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) មានដូចខាងក្រោម៖
១. ក្រុមជើងឯក ទទួលបានប្រាក់រង្វាន់ ២០លានរៀល
២. ក្រុមជើងឯករង ទទួលបានប្រាក់រង្វាន់ ១០លានរៀល
៣. ក្រុមលេខ៣ ទទួលបានប្រាក់រង្វាន់ ៨លានរៀល
៤.កីឡាករទាត់ចូលទីច្រើនជាងគេ ទទួលបានប្រាក់រង្វាន់ ២លានរៀល
៥. អ្នកចាំទីល្អជាងគេ ទទួលបានប្រាក់រង្វាន់ ២លានរៀល
៦. គ្រូបង្វឹកល្អជាងគេ ទទួលបានប្រាក់រង្វាន់ ២លានរៀល
(ថ្នាក់ខេត្ត) ធ្វើឡើងចាប់ពីថ្ងៃទី២៨ មីនា ២០២៣ រហូតដល់ ថ្ងៃទី៧ តុលា ២០២៣ ដោយមានក្រុមចំនួន២០ចូលរួមប្រកួត បែងចែកជា៤ពូល៖ ក, ខ, គ, ឃ។
គួររំលឹកថា ចាប់តាំងពីបង្កើតបន្ថែមនូវពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុងឆ្នាំ២០១៨ មកដល់ឆ្នាំ២០២២កន្លងទៅ មានក្រុមចំនួន៥ ផ្សេងគ្នាបានគ្រងតំណែងជើងឯក ដែលក្នុងនោះ មានយុវជនសាលាបាល់ទាត់ជាតិបាទីអាយុក្រោម១៨ឆ្នាំ, ខេត្តត្បូងឃ្មុំ, ព្រៃវែងអេហ្វស៊ី, កោះកុងអេហ្វស៊ី និងភ្នំពេញហ្គាឡាក់ស៊ី។
សម្រាប់ម្ចាស់ជើងឯកពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ (ថ្នាក់ខេត្ត) គឺក្លិបបាល់ទាត់ភ្នំពេញហ្គាឡាក់ស៊ី ក្រោយយកឈ្នះឧត្តរមានជ័យ ក្នុងលទ្ធផល ១-០ ខណ:ខេត្តកោះកុង ម្ចាស់ជើងឯកឆ្នាំ២០២១, ខេត្តព្រៃរែង ម្ចាស់ជើងឯកឆ្នាំ២០២០ និង ខេត្តត្បូងឃ្មុំ ម្ចាស់ជើងឯកឆ្នាំ២០១៩៕
