សិល្បៈអន្តរជាតិ៖ Myolie Wu និង Linda Chung បាននាំកូនៗរបស់ខ្លួនមកជួបជុំគ្នា ជាពិសេសកូនៗពួកគេមានអាយុស្របាលគ្នាថែមទៀតផង។ នៅពេលដែលឃើញតារាសម្ដែងដែលខ្លួនពេញចិត្តជួបជុំគ្នាធ្វើឱ្យហ្វេនៗនឹកដល់ពេលវេលាអតីតកាល ដែលអ្នកទាំងពីរសម្ដែងរឿងជាខ្លាំង។
ការត្រលប់មកហុងកុងវិញរបស់អតីតតារាសម្ដែងហុងកុង Linda Chung វ័យ ៣៩ឆ្នាំ ក្នុងអំឡុងធ្វើដំណើរវិលត្រលប់មកហុងកុងវិញ នាងមិនមែនត្រលប់មកធ្វើការឬការងារសិល្បៈណាមួយនោះឡើយ ប៉ុន្តែគេឃើញតារាស្រីរូបនេះបាននាំកូនៗរបស់ខ្លួនទាំង៣មាន Kelly (6) Jared (4) និង Anika (៧ខែ) ទៅលេង Disneyland។
ក្រៅពីនាំកូនៗដើរលេងហើយនោះ តារាសម្ដែងដែលបានងាកខ្នងឱ្យអាជីពសិល្បៈក្រោយរៀបការជាមួយគ្រូម៉ាហ្សាគឺ Jeremy Leung វ័យ៥១ឆ្នាំ ក៏បានឆ្លៀតជួបជាមួយនឹងអតីតមិត្តភក្ដិចាស់ៗក្នុងសិល្បៈរបស់ខ្លួនជាច្រើននាក់ដូចជា ចូលរួមពិធីខួបកំណើតកូនស្រីរបស់ Tavia Yeung និង Him Law វ័យ៣ឆ្នាំ ហើយថ្មីៗនេះដែរ នាងនិងកូនៗក៏បានទៅលេងផ្ទះរបស់ Myolie Wu និងជួបជាមួយនឹងកូនប្រុសទាំង៣ របស់ Myolie មានដូចជា Brendan(5) Ryan (3) និង Liam (2)។ នេះបើយោងតាមការចែករំលែករបស់នាងនៅលើបណ្ដាញសង្គម IG ព្រមជាមួយនឹង Caption ថា «Full House» ឬ «ផ្ទះដែលពោរពេញដោយសុភមង្គល»៕
ប្រភព៖ 8days