សិល្បៈជាតិ៖ Engfa ម្ចាស់មកុដ Miss Grand Thailand និងម្ចាស់តំណែងលំដាប់រងទីមួយ Miss Grand International 2022 ត្រូវបានហ្វេនៗចាត់ទុកថាជាស្ត្រីដែលកំពុងតែមានឥទ្ធិពលបំផុតព្រោះក្រោយប្រកួតចប់ភ្លាមបានទទួលតំណែងជា BA ផង មានការប្រគំតន្ត្រីផ្ទាល់ខ្លួនផង ចូលរួមជាតារាកិត្តិយសផង អាចនិយាយបានថានាងគឺជាមនុស្សម្នាក់ដែលធ្វើឱ្យមហាជនងាកមកពេញនិយមនិងចាប់អារម្មណ៍វេទិកាប្រកួត
ថ្មីៗនេះនាងនិងដៃគូ Charlotte Austin បានដឹកដៃគ្នាធ្វើដំណើរទៅសហរដ្ឋអាមេរិកដើម្បីប្រគំតន្ត្រី ក្រោយមានសំឡេងទាមទារពីអ្នកគាំទ្របរទេសរបស់ខ្លួន។
ទៅសម្ងំនៅទឹកដីអាមេរិកមួយរយៈខ្លី Engfa បានបង្ហោះ Story ជាមួយនឹងរូបភាពដែលធ្វើឱ្យអ្នកបានឃើញមានការភ្ញាក់ផ្អើល ដោយរូបភាពនោះគឺជារូបថតលុយដុល្លារមួយគំនរព្រមជាមួយនឹងពាក្យថា «OMG !!! Thank you so much guys» ក្រៅពីលុយដុល្លារច្រើនសន្ធឹកសន្ធាប់ហើយនោះ អ្នកបានឃើញពិបាកអត់ទ្រាំមិនឱ្យច្រណែនបានណាស់ ដោយសារតែនៅមានខ្សែកមាស កងដៃមាសនៅលាយឡំជាមួយនឹងគំនរលុយផងដែរ។
