គិតពីឆ្នាំ២០០៩ មកក្រុមបាល់ទាត់មកពីលីគកំពូលនៃប្រទេសចិន (Chinese Super League) បានធ្លាក់ចេញជាលើកដំបូងនៅឆ្នាំ២០២១ នេះត្រឹមវគ្គចែកពូលនៃពានរង្វាន់បាល់ទាត់ជើងឯកប្រចាំទ្វីបអាស៊ី AFC Champion League ក្រោយបញ្ចប់ការប្រកួតកាលពីពេលថ្មីៗ។
នៅឆ្នាំ២០១៩ នេះក្រុមបាល់ទាត់មកពីលីគកំពូលចិន ចំនួន៤មានឈ្មោះចូលរួមប្រកួតក្នុងពានរង្វាន់ AFC Champion League ខណៈក្រុមជើងឯក Jiangsu បានប្រកាសក្ស័យធន ហើយក្រុមចំណាត់ថ្នាក់លេខ៤ Shanghai Port បានធ្លាក់ត្រឹមវគ្គជម្រុះ ក្រោយចាញ់ក្រុមKaya–Iloilo របស់ហ្វីលីពីន ១ទល់០។
អត្ថបទពាក់ព័ន្ធ៖ក្រុមកូរ៉េខាងត្បូង ជប៉ុន និងថៃ ឡើងទៅវគ្គ១៦ក្រុមចុងក្រោយពាន Champion League ទ្វីបអាស៊ី
ចំណែក២ក្រុមដែលទទួលបានកៅអីវគ្គចែកពូលដោយស្វ័យប្រវត្តិមានក្រុមជើងឯក Guangzhou និងក្រុមចំណាត់ថ្នាក់លេខ៣ Beijing Guoan។ អ្វីដែលគួរឱ្យកត់សម្គាល់នោះគឺក្រុមទាំង២បញ្ជូនក្រុមឈុតធំ មកប្រកួតទេ ដោយបញ្ជូនត្រឹមឈុតយុវជនបូកជាមួយឈុតបម្រុង ប៉ុណ្ណោះមកប្រកួតព្រោះតែប៉ះពាល់នឹងបញ្ញតិក្នុងស្រុក ជុំវិញសុខភាពសាធារណៈនៃជំងឺកូវីដ-១៩។
ក្រុម Guangzhou ស្ថិតនៅក្នុងពូល J ដោយលទ្ធផល៖
- Guangzhou ០-២ Cerezo Osaka (ជប៉ុន) ជើងទី១
-Guangzhou ០-៥ Guangzhou ជើងទី២
-Guangzhou ០-១ Kitchee (ហុងកុង) ជើងទី១
-Guangzhou ០-១ Kitchee ជើងទី២
-Guangzhou ០-៣ Port ជើងទី១
-Guangzhou ១-៥ Port ជើងទី២
ក្រុម Beijing Guoan ស្ថិតនៅពូល I ដោយលទ្ធផល៖
-Beijing Guoan ០-៧ Kawasaki Frontale (ជប៉ុន) ជើងទី១
-Beijing Guoan ០-៤ Kawasaki Frontale ជើងទី២
-Beijing Guoan ១-១ United City (ហ្វីលីពីន) ជើងទី១
-Beijing Guoan ២-៣ United Cityជើងទី២
-Beijing Guoan ០-៥ Daegu FC (កូរ៉េខាងត្បូង) ជើងទី១
-Beijing Guoan ០-៣ Daegu Fcជើងទី២
ដោយឡែកកាលពីឆ្នាំ២០០៩ កន្លងទៅក្រុមមកពីប្រទេសចិន បានធ្លាក់ចេញពីវគ្គជម្រុះតាមពូលទាំង៤ ដោយកាលនោះក្រុម Shandong Luneng Taishan ជាជើងឯក ក្រុម Shanghai Shenhua ជាជើងឯករង ក្រុម Beijing Guoan ជាប់លេខ៣ និងក្រុម Tianjin Teda ជាប់លេខ៤ ក្នុងលីគកំពូលប្រទេសខ្លួន៕