នៅព្រឹកថ្ងៃទី៥ ខែមិថុនា សហព័ន្ធកីឡាបាល់ទាត់កម្ពុជា បានប្រកាសបញ្ជីរាយនាមបឋមកីឡាករជម្រើសជាតិកម្ពុជា ចំនួន៣០នាក់ ត្រៀមប្រកួតមិត្តភាពអន្តរជាតិទល់នឹងក្រុមជម្រេីសជាតិបង់ក្លាដែស នៅថ្ងៃទី១៥ ខែមិថុនា ឆ្នាំ២០២៣ ប៉ុន្តែគ្មានឈ្មោះអ្នកចាំទី ស៊ូ យ៉ាទី ឡើយ។
ភ្លាមៗនោះអ្នកចាំទី ស៊ូ យ៉ាទី បានថ្លែងនៅលើទំព័រហ្វេសប៊ុកដូច្នេះថា៖«ទោះជាខំប្រឹងយ៉ាងណាក៏វានៅតែគ្មានឱកាសសំរាប់ខ្ញុំ»។ ក្រោយមិនស្ថិតក្នុងការជ្រើសរើសរបស់លោក Félix Dalmás គ្រូបង្គោលថ្មី របស់ក្រុមជម្រើសជាតិកម្ពុជា។
ស៊ូ យ៉ាទី បានរួមចំណែកយ៉ាងសំខាន់ជួយឲ្យក្រុមបាល់ទាត់ណាហ្គាវើលដ៍ ឈានដល់វគ្គផ្តាច់ព្រ័ត្រ នៃពានរង្វាន់ Cambodian League Cup 2023 ប៉ុន្តែមិនអាចឈ្នះជើងឯក ពោលគឺបានត្រឹមលេខ២ ក្រោយចាញ់ភ្នំពេញក្រោន ដោយបាល់កាត់សេចក្ដីប៉េណាល់ទី ៣-២ ក្រោយប្រកួតស្មេីគ្នា ១២០នាទី ១-១ កាលពីរាត្រីថ្ងៃទី៤ ខែមិថុនា នៅកីឡដ្ឋានស្តាតចាស់។
អ្នកចាំទីដែលរក្សាបាន Clean Sheets ក្នុងចំណោមអ្នកចាំទី១៤នាក់៖
- អ៊ុំ វិចិត្រ របស់ភ្នំពេញក្រោន ៥លើក
- ស៊ូ យ៉ាទី របស់ណាហ្គាវើលដ៍ ៤លើក
- កែវ សុខសិលា របស់វិសាខា ៣លើក
- ជា វណ្ណសាក់ របស់គិរីវង់សុខសែនជ័យ ២លើក
- អោម ឧត្តម របស់ព្រះខ័នរាជស្វាយរៀង ២លើក
- ពេជ្រ តារា របស់ Tiffy Army FC ១លើក
- ជា សារិន របស់សូលទីឡូអង្គរ ១លើក
- យី ប៊ុនហេង របស់អង្គរថាយហ្គឺរ ១លើក
- វីរ: ដារ៉ា របស់ព្រះខ័នរាជស្វាយរៀង ១លើក
- រ៉េត លីហេង របស់ណាហ្គាវើលដ៍ ១លើក
- គង់ ភ័ត្រ របស់នគរបាលជាតិ ១លើក
- សាំង ហាន់ឃុន របស់ព្រៃវែង ១លើក
- ហ៊ុល គឹមហ៊ុយ របស់វិសាខា ១លើក
- សាវែង សំណាង របស់ភ្នំពេញក្រោន ១លើក៕
