កម្ពុជាទទួលបានជោគជ័យដ៏ត្រចះត្រចង់ ក្នុងនាមជាម្ចាស់ផ្ទះរៀបចំទាំងការរៀបចំ កីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេម១២ ដែលទើបបានបិទបញ្ចប់នឹងធ្វើនៅល្ងាចថ្ងៃទី០៩ ខែមិថុនា ឆ្នាំ ២០២៣។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីចុះជួយកម្មករ កម្មការិនីជាង១ម៉ឺន ៦ពាន់នាក់ នៅស្រុកកណ្តាលស្ទឹង ខេត្តកណ្ដាល នៅថ្ងៃទី១០ ខែមិថុនា ឆ្នាំ២០២៣នេះ។
សម្ដេច ហ៊ុន សែន បានមានប្រសាសន៍បន្ថែមថា៖ «ពាក់ព័ន្ធទៅនឹងព្រឹត្តិការណ៍អាស៊ានប៉ារ៉ាហ្គេមលើកទី១២ ដែលកម្ពុជាបានធ្វើជាម្ចាស់ផ្ទះ ហើយបានបិទបញ្ចប់កាលពីយប់មិញនេះ គឺជាមោទនភាពសម្រាប់ខ្មែរទាំងមូល ដែលនេះជាមោទនភាពមួយសម្រាប់កម្ពុជាដែលមានកេរ្តិ៍ឈ្មោះល្បីល្បាញនៅលើឆាកអន្តរជាតិ តាមរយៈព្រឹត្តិការណ៍អាស៊ីហ្គេម និងអាស៊ានប៉ារ៉ាហ្គេមនេះ»។
ការប្រកួត ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ បានធ្វើពិធីបិទបញ្ចប់នឹងធ្វើនៅល្ងាចថ្ងៃទី០៩ ខែមិថុនា ឆ្នាំ ២០២៣ ក្រោមវត្តមានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលកម្ពុជាបានធ្វើជាម្ចាស់ នៅពហុកីឡាដ្ឋានជាតិមរតកតេជោ៕
