រឿង «មេឃខៀវ» ភាពយន្តភាគជាស៊េរី ដែលចែកចេញជាពីរ Part (ផ្នែក) មានឈុតក្មេង និងឈុតចាស់ ដោយឈុតក្មេងសម្ដែងដោយ លី ម៉ៃកូ (Lee Myko) និង វណ្ណថៃ (Vanthai) បានបញ្ចប់រួចរាល់ហើយដោយការមិនយល់ចិត្តគ្នានិងចំណោទបញ្ហាមិនទាន់ដោះស្រាយ ដែលធ្វើឱ្យអ្នកទស្សនា ស្ទើតែក្អួតឈាមព្រោះរំពឹងចង់ឱ្យតួអង្គទាំងពីរយល់ចិត្តថ្លើមគ្នា។
ក្រោយចប់ផ្នែកក្មេងដែលខ្លួនសម្ដែង លី ម៉ៃកូ បានចេញមកមកបង្ហោះសំណេរកាលពីយប់ទី១៤ ខែកក្កដា ឆ្នាំ២០២១ ដោយសំណេររបស់លោក គ្រាន់តែរៀបរាប់យ៉ាងខ្លីថា ចំពោះហ្វេនដែលជាអ្នកតាមដាន និង និយមគាំទ្ររឿងស្នេហា BL «មេឃខៀវ» សូមខឹងជេរតួអង្គតែខៀវបានហើយ ព្រោះលោកនៅខឹងក្រៅស្រលាញ់ វណ្ណថៃ មិនបានស្អប់ដូចក្នុងរឿងនោះឡើយ។
«មិនយល់ខ្លួនឯងទេ ព្រោះមិនទាន់ស្គាល់ខ្លួនឯងច្បាស់ 
អាចជេរខៀវបានព្រោះខ្ញុំក៏ជេរខ្លួនឯង តែកុំជេរMykoណាព្រោះMykoក្រៅរឿងស្រលាញ់ @van_thaiii ណាស់ មិនដូចអាខៀវធ្វើដាក់អូនមេឃទេ»
អ្នកគាំទ្រកំពុងតែទន្ទឹងរង់ចាំមើលថាតើនៅពេលដែលអ្នកទាំងពីរធំដឹងក្ដី ការយល់ច្រឡំទាំងឡាយនឹងត្រូវបានដោះស្រាយដោយបែបណា ចំណែកខៀវពេលណាទើបដឹងពីតម្រូវការបេះដូងខ្លួនឯងយ៉ាងពិតប្រាកដ?
ងាកមកសំណេរខ្លីរបស់លោកវិញ សង្កេតឃើញថាបានទាញឱ្យមានការចាប់អារម្មណ៍ចូលមកឆ្លើយឆ្លងពីសំណាក់ហ្វេនយ៉ាងច្រើន ដោយភាគច្រើនអ្នកដែលគាំទ្ររឿងភាគនេះបាននិយាយបង្អាប់លោកលេងផងដែរ។
«ទូច ស្រីនិច្ច៖ ខ្ញុំជេរតែបងខៀវទែ»
«ចន ជុងហ្គុក៖ អត់ប្រាប់ក៏ខ្ញុំដឹងដែរបង Myko»
«Ah Ry Smile៖ ទៅគេដឹងហើយ»
