ស្ថាបនិកក្លិបកីឡាបាល់ទាត់ វិសាខា ឯកឧត្តម ស សុខា ទទួលសញ្ញាបត្របណ្ឌិតកិត្តិយសមនុស្សសាស្ដ្រពីប្រទេសហ្វីលីពីន។ ពិធីប្រគល់សញ្ញាបត្រនេះ បាន ប្រព្រឹត្តទៅនៅរសៀលថ្ងៃទី២៦ ខែមិថុនា ឆ្នាំ២០២៣នេះ នាទីក្រុងម៉ានីល។
ជុំវិញការទទួលសញ្ញាបត្របណ្ឌិត នៅថ្ងៃនេះដែល ក្លិបបាល់ទាត់វិសាខា បានបង្ហោះសាអបអរ ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាស្ថាបនិកក្លិបកីឡាបាល់ទាត់ វិសាខា ក្នុងឱកាសឯកឧត្តម ទទួលសញ្ញាបត្របណ្ឌិតកិត្តិយសមនុស្សសាស្ដ្រពីសាកលវិទ្យាល័យ UE (University of the East) របស់ប្រទេសហ្វីលីពីន។
យោងតាមការបញ្ជាក់ពីសាកលវិទ្យាល័យ UE (University of the East) របស់ប្រទេសហ្វីលីពីនឯកឧត្តម ស សុខា គឺជាឥស្សរជនបរទេសទី១១ ហើយក៏ជាអ្នកទទួលសញ្ញាបត្របណ្ឌិតកិត្តិយសមនុស្សសាស្ដ្រ លើកទី៣៥៕
